حالىقارالىق قارجى ورتالىعىنىڭ رەتتەۋشى AFSA احقو نارىعىنا قاتىسۋشىلاردى قولداپ, نارىقتىڭ تۇتاستىعىن جانە قارجىلىق تۇراقتىلىقتى قامتاماسىز ەتۋ ءۇشىن بىرقاتار ماقساتتى شارالاردى ۇسىنىپ وتىر. شارالار COVID-19 تۋىنداعان ەرەكشە جاعدايلاردى رەتتەۋگە باعىتتالعان. بۇل نارىققا قاتىسۋشى كومپانيالارعا وسى كۇردەلى كەزەڭدە تۇتىنۋشىلاردى قولداۋ مەن ءوز قىزمەتىن شوعىرلاندىرۋعا مۇمكىندىك بەرەدى.
AFSA قابىلداعان شۇعىل قادامداردىڭ ءبىرى قازاقستانداعى توتەنشە جاعداي اياقتالعاننان كەيىن 30 كۇنتىزبەلىك كۇندە مىندەتتى ەسەپ بەرۋ تۇرلەرىنىڭ مەرزىمىن ۇزارتۋ بولىپ تابىلادى. وسىعان وراي تولىق مالىمەتتەرمەن رەتتەۋىشتىڭ رەسمي سايتىندا تانىسۋعا بولادى.
رەتتەۋشى قالىپتى رەجيمدە جۇمىس ىستەيتىنىجانە قارجى نارىعىن قاداعالاۋ بويىنشا ءوزىنىڭ وپەراتسيالىق قىزمەتىن جالعاستىرۋدا. AFSA قىزمەتكەرلەرى قاشىقتان جۇمىس رەجيمىندە ىستەي وتىرىپ, احقو قاتىسۋشىلارى جانە قارجى قىزمەتتەرىن تۇتىنۋشىلارمەن كەزدەسۋلەر مەن سۇرانىستاردى ۋاقتىلى جانە ءتيىمدى وڭدەۋ قىزمەتىن ۇسىنادى. احقو-نىڭ بارلىق قارجىلىق قىزمەتتەرى مەن پلاتفورمالارى نارىققا قاتىسۋشىلار ءۇشىن اشىق جانە قولجەتىمدى. بۇل حالىقارالىق AIX بيرجاسىنا دا قاتىستى.
AFSA سونداي-اق قارجى نارىقتارىن, ترانسشەكارالىق وپەراتسيالاردى ءتيىمدى قاداعالاۋدى جانە COVID-19 ىقپالىنا قارسى شارالاردى ۇيلەستىرۋدى قامتاماسىز ەتۋ ءۇشىن ۇلتتىق, سونداي-اق شەتەلدىك رەتتەۋشىمەن جانە حالىقارالىق ۇيىمدارمەن تۇراقتى بايلانىس جاسايدى. AFSA COVID-19 پاندەمياسىنا بايلانىستى ىقتيمال نورماتيۆتىك ارەكەتتەردى جانە IOSCO, IAIS, FinCoNet جانە ت.ب. الاڭدارىندا تۇتىنۋشىلاردى قورعاۋ شارالارىن تالقىلاۋعا بەلسەندى قاتىسادى.