قاشىقتان وقۋ جۇيەسى زاماناۋي تاجىريبەلەردى يگەرۋگە ىقپال ەتەدى

ءساۋىر ايىنىڭ العاشقى كۇنى رەسپۋبليكا مەكتەپتەرىندە سىناما ساباقتارىنىڭ وتكەنى بەلگىلى. ءبىلىم جانە عىلىم مينيسترلىگى تاراپىنان سوڭعى توقساندا قولعا الىنىپ جاتقان قاشىقتىقتان وقىتۋ بارىسىن كەڭىنەن تۇسىندىرگەن بولاتىن. وسى ورايدا اتالعان مەكتەپ مۇعالىمدەرى «قاشىقتىقتان وقىتۋ جۇيەسى مۇعالىمدەر مەن وقۋشىلار ءۇشىن ءتيىمدى مە؟» دەگەن تاقىرىپتا ساۋالناما جۇرگىزىپ, توتەنشە جاعدايلار كەزىندە ءبىلىم سالاسى بەتپە-بەت كەلگەن كۇردەلى كەزەڭدى جۇمىلا كوتەرۋگە كىرىسىپ كەتتى. وسى  كۇنى  №178 ليتسەيدە قاشىقتىقتان وقىتۋ جونىندە سىناما ساباقتار وتكىزىلىپ, ءپان مۇعالىمدەرى بارلىق وقۋشىلارعا تۇسىندىرمە جۇمىستارىن جۇرگىزدى. ساباقتى ونلاين رەجيمىندە وتكىزۋگە kundelik.kz, zoom, daryn.onlain ءبىلىم پلاتفورمالارى كەڭىنەن پايدالانىلدى. وقۋشىلار دا ونلاين رەجيمىندە وتەتىن ساباقتارعا بايلانىستى تاپسىرمالاردى جىلدام يگەرىپ الدى.

وسى ورايدا «قاشىقتىقتان وقىتۋ تەحنولوگياسى بويىنشا وقۋ ءۇردىسىن ۇيىمداستىرۋ جانە ونى جۇزەگە اسىرۋ مەحانيزمى» تاقىرىبىندا ZOOM پلاتفورماسىندا وnline رەجيمدە وتكەن №4 پەداگوگيكالىق كەڭەستە مەكتەپ ديرەكتورى قايراتبەك شاديەۆ ۇجىمدى «ليتسەيدە 2019-2020 وقۋ جىلىنىڭ IV توقسانىندا قاشىقتىقتان وقىتۋعا كوشۋ تۋرالى» بۇيرىعىمەن تانىستىرىپ, قاشىقتىقتان وقىتۋدى جۇزەگە اسىرۋ بويىنشا قادامدىق نۇسقاۋلار بەردى. سونىمەن قاتار, بارلىق رەسۋرستارعا (ينتەرنەت, وقۋ - ادىستەمەلىك كەشەندەر, مۇعالىمدەر ازىرلەگەن ماتەريالدار) سۇيەنىپ, وقۋ باعدارلامالارىن جۇزەگە اسىرۋدا جۇرگىزىلەتىن جۇمىستار بارىسىنا توقتالدى. ديرەكتوردىڭ وقۋ  ءىسى جونىندەگى ورىنباسارى ك.شاجاباەۆا ونلاين كەڭەستە ءىىى توقسانداعى ءبىلىم ساپاسىنىڭ  قورىتىندىسىنا بايلانىستى (ساندىق ەسەپ) سالىستىرمالى مونيتورينگ ارقىلى بايانداما جاسادى. ماتەماتيكا ءپانىنىڭ مۇعالىمى ب.قاسەن مۇعالىمدەرگە كەرى بايلانىس جۇرگىزۋ جولدارى مەن kundelik.kz ءۇي تاپسىرمالارىن بەرۋدە نۇسقاۋلىقتارمەن تانىستىرcا, مەكتەپ پسيحولوگى ش.اسيلوۆا قاشىقتىقتان وقۋ ءۇردىسىن ۇيىمداستىرۋدا ءپان مۇعالىمدەرىنە كەڭەس بەردى.

ليتسەيدىڭ قازاق ءتىلى مەن ادەبيەتى ءپانىنىڭ وقىتۋشىسى, «اباي قۇنانباي ۇلى» توسبەلگىسىنىڭ يەگەرى بالميرا يساباەۆا قاشىقتىقتان وقىتۋدىڭ پايدالى جاعىنا توقتالدى. جۇيە بارىسىندا تەحنولوگيالاردى ءتيىمدى پايدالانۋدىڭ ماڭىزدىلىعىن اتاپ ءوتتى. مىسالى, وقۋشىلاردىڭ ءبىر مەزەتتە ونلاين جۇيەسىنە ىڭعايلانىپ, ونى تەز يگەرىپ الۋى جانە بارلىق ءتيىستى تەحنيكالىق قۇرالدار مەن پروگراممالاردى ۋاقىتىلى پايدالانۋى كوڭىلگە قونىمدى.  سونداي-اق, وقۋشىلاردىڭ جاڭا جۇيەگە داعدىلانىپ, بىلىكتىلىگىن ارتتىرۋىنا مول مۇمكىندىك بار.

بۇل ماسەلە ديرەكتوردىڭ وقۋ ءىسى جونىندەگى ورىنباسارى كۇلجان شاجاباەۆا جانە ديرەكتوردىڭ عىلىمي-ادىستەمەلىك بەيىندى وقىتۋ جونىندەگى ورىنباسارى گۋلنافيس داۋلەتباەۆا وتكىزگەن «ادىستەمەلىك كەڭەستىڭ كۇن تارتىبىندە قاراستىرىلاتىن ماسەلەلەر» ونلاين كونفەرەنتسيا بارىسىندا جالعاسىن تاپتى. ونىڭ بارىسىندا كافەدرا جەتەكشىلىكتەرىمەن بىرگە ادىستەمەلىك كەڭەستىڭ كۇن تارتىبىندە قاراستىرىلاتىن ماسەلەلەر جوسپارلانىپ, ءار كافەدرا مۇعالىمدەرىنىڭ «start zoom» قوسىمشاسى ارقىلى ونلاين ۆيدەو ساباققا دايىندىق جۇمىستارى قارالدى. ۇلگى رەتىندە سىناق ساباق پەن كافەدرا وتىرىستارى جوسپارلاندى. ال ءۇشىنشى توقسان بارىسىندا وتكەن فيزيكا-ينفورماتيكا, جاراتىلىستانۋ, قازاق ءتىلى مەن ادەبيەتى كافەدرالارىنىڭ ونكۇندىكتەردى تالداۋ جۇمىسى ء«بىلىم بەرۋ ساپاسىن جەتىلدىرۋدەگى, وقۋشىلاردىڭ فۋنكتسيونالدىق ساۋاتتىلىعىن ارتتىرۋ» ونلاين كەڭەستە تالقىلانىپ, كافەدرا جەتەكشىلەرى تالداۋ بارىسىندا وتكىزىلگەن ءىس-شارالاردىڭ  ۇزدىك جانە تولىقتىراتىن تۇستارىنا قاتىستى ۇسىنىستارىن جەتكىزدى. سونىمەن قاتار, ساباقتار مەن سىنىپتان تىس ءىس-شارالاردىڭ وقۋشىلاردىڭ فۋنكتسيونالدى ساۋاتتىلىعىن ارتتىرۋداعى ىقپالدى تۇسى ەرەكشەلەندى. كافەدرا جەتەكشىلەرى مۇعالىمدەردىڭ ۇزدىك جەتىستىكتەرىن كورسەتە وتىرىپ, تابىستى مۇعالىم جۇمىسىنىڭ ناتيجەسىن العا تارتتى. قاشىقتىقتان وقىتۋ جۇيەسىن ءتۇسىندىرۋ جانە وقۋشىلاردى وعان بەيىمدەۋ ماقساتىندا مەكتەپ باسشىلىعى اتا-انالارمەن دە جينالىس وتكىزىپ, ونلاين رەجيمىندەگى وقىتۋ جۇيەسىنە ويداعىداي اتسالىسۋعا شاقىردى.

الماتى