قىزىلوردادا كوروناۆيرۋستىق ينفەكتسيا جۇقتىرعان ناۋقاستار سانى 149 ادامعا جەتتى. وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدىسامەتوۆ جاڭادان انىقتالعان 2 جاعداي تۋرالى ايتىپ ءوتتى.
- بۇل 2 ناۋقاس تا بۇرىن انىقتالعان ناۋقاستارمەن تىكەلەي قارىم-قاتىناستا بولىپ, كارانتينگە الىنعانداردىڭ اراسىنان انىقتالىپ وتىر. قاۋىپتى ىندەت جۇقتىرعاندار جۇقپالى اۋرۋلار اۋرۋحاناسىنا اۋىستىرىلىپ, ءتيىستى ەمدەرىن قابىلداۋدى باستادى, – دەدى ول.
وبلىستا ىندەت جۇقتىرعاندارمەن بايلانىستا بولعانداردىڭ جالپى سانى 2181 بولىپ وتىر. ونىڭ ىشىندە, جاقىن قارىم-قاتىناستا بولعاندار سانى 1146, جاناما بايلانىستا بولعاندار 1035 ادام. بۇگىنگى تاڭدا بارلىعى باقىلاۋعا الىنعان.
ايماقتىڭ باس دارىگەرى وڭىردەگى كارانتيندىك شەكتەۋ تالاپتارىنىڭ ارقاسىندا تىكەلەي ينفەكتسيا جۇقتىرۋ دەڭگەيى تومەندەگەنىن دە اتاپ ءوتتى.