قاشىقتان ءبىلىم بەرۋ ماسەلەلەسى ءبىرىنشى كەزەكتە شاعىن جيناقتى مەكتەپتەر ءۇشىن ءتيىمدى. مۇنداي پىكىردى بۇگىن ءبىلىم جانە عىلىم مينيسترلىگى وتكىزگەن «قاشىقتان وقىتۋ – وقۋشىلار مەن اتا-انالار ءۇشىن جاڭا تاجىريبە» تاقىرىبىندا وتكەن ونلاين كونفەرەنتسيا بارىسىندا قوعام قايراتكەرى مۇرات ابەنوۆ ايتتى.
«قاشىقتان وقىتۋ, بۇل ءبىرىنشى كەزەكتە شاعىن جيناقتى مەكتەپتەر ءۇشىن ءتيىمدى. ول جەرلەردە فيزيكا, ينفورماتيكا سىندى پاندەردىڭ مۇعالىمدەرى بولمايدى. شالعاي اۋىلدارداعى بالالار ءۇشىن اتالعان پاندەر ساپالى وقىتىلمايدى. ال, قاشىقتان وقىتۋ جۇيەسى ارقىلى بۇكىل قازاقستانعا ساباق بەرەتىن مىقتى ازاماتتاردى تابۋعا مۇمكىندىك تۋىپ وتىر. قازاقستان بويىنشا جاقسى ۇستازداردى ىرىكتەپ الساق, بولاشاقتا سولار ارقىلى تەلەديداردى پايدالانا وتىرىپ, شالعاي ەلدى-مەكەندەردەگى جانە شاعىن جيناقتى مەكتەپتەردە ساباق جۇرگىزۋ مۇمكىندىگى بار», دەدى مۇرات ابەنوۆ.
سونداي-اق, ونلاين پىكىر الماسۋ بارىسىندا مۇرات ابدۋلاميت ۇلى قاشىقتان وقىتۋ جۇيەسى ءبىلىم سالاسىنداعى باسەكەلەستىككە قابىلەتتىلىكتى ارتتىرىپ, تۋعىزعاندىعىن جانە ناتيجەسىندە تالانتتى ازاماتتاردى العا شىعارىپ جاتقاندىعىن دا اتاپ ءوتتى.