بۇل تۋرالى ماڭعىستاۋ وبلىسىنىڭ قوعامدىق كوممۋنيكاتسيا ورتالىعىندا وتكەن بريفينگتە ماڭعىستاۋ وبلىسى جولاۋشىلار كولىگى جانە اۆتوموبيل جولدارى باسقارماسىنىڭ باسشىسى بولات ەرەجەپوۆ حابارلادى.
ماڭعىستاۋ وبلىسىنىڭ جالپى اۆتوموبيل جولدارىنىڭ جالپى ۇزىندىعى 2948 كم قۇرايدى. ونىڭ ىشىندە رەسپۋبليكالىق ماڭىزداعى – 1020 كم, وبلىستىق جانە جەرگىلىكتى ماڭىزداعى – 1928 كم قۇرايدى.
وتكەن جىلى 107,7 شاقىرىم جولعا اسفالت جابىندىسى توسەلىپ, 150 شاقىرىمدى قۇرايتىن 4 جوبا تولىعىمەن اياقتالدى. ولار: «قۇرىق – پورت قۇرىق» (22 كم, 8,2 ملرد تەڭگە) اۆتوجولىن رەكونسترۋكتسيالاۋ جانە «شەتپە – ۇشتاعان» (54 كم, 946 ملن تەڭگە), «اقتاۋ – فورت – شەۆچەنكو – قالامقاس كەن ورنى» (88-154 كم, 668 ملن تەڭگە), «وندى اۋىلىنا كىرەبەرىس» (8 كم, 138 ملن تەنگە) جولدارىن ورتاشا جوندەۋ.
وسى جىلى 275,4 شاقىرىمدى قامتيتىن 7 اۆتوموبيل جولدارىنىڭ رەكونسترۋكتسياسى مەن جوندەۋ جۇمىستارىن اياقتاۋ جوسپارلاندى.
ولار «اتا جولى» 1-كەزەڭ (51 كم), «اتا جولى» 2-كەزەڭ (46 كم) «جىڭعىلدى – شايىر - شەرقالا» (29 كم) «شەتپە-قىزان» (تاسمۇرىن-ماستەك ۋچاسكەسى, 36 كم), «تۇششىقۇدىق اۋىلىنا كىرمە جول» (29 كم), «فورت-شەۆچەنكو-تاۋشىق» اۆتوموبيل جولىنىڭ 0-52 كم ۋچاسكەسىن ورتاشا جوندەۋ (52 كم), «قىزان-اقشىمىراۋ» اۆتوموبيل جولىن ورتاشا جوندەۋ (14,7 كم) «قىزىلساي-سەنەك» اۆتوموبيل جولىن ورتاشا جوندەۋ (17,7 كم).
سونىمەن قاتار اعىمداعى جىلى 59,6 شاقىرىمدى قامتيتىن 5 جوبانىڭ قۇرىلىسى جالعاسادى. ولار «حگمز جول قيىلىسىنان №23, 24, 28 «ا» شاعىن اۋداندارىنىڭ قيىلىسىنا دەيىنگى جالپى ۇزىندىعى 7,0 كم №55 اۆتوجولىن قايتا قۇرىلىمداۋ (7 كم), «شەتپە-تيگەن» اۆتوموبيل جولىن ورتاشا جوندەۋ (21 كم), ماەك سۋ جيناۋ كانالىنان «قۇرىق» پارومدى كەشەنىنە دەيىنگى اۆتوموبيل جولىن رەكونسترۋكتسيالاۋ (27 كم), ماڭعىستاۋ وبلىسىنداعى «ماەك» سۋ العىشىنان باستاپ قۇرىق تەڭىز پورتىنا دەيىنگى اۆتوموبيل جولىن رەكونسترۋكتسيالاۋ ء(ىىى كەزەڭ) (0,07 كم), اقتاۋ قالاسىنىڭ ومىرزاق ەلدى مەكەنىنەن جىلى جاعاجايعا دەيىنگى اۆتوموبيل جولىنىڭ قۇرىلىسى (4,6 كم).
سونداي-اق اعىمداعى جىلى 95,2 شاقىرىمدى قامتيتىن 12 جاڭا جوبانىڭ جۇمىسى باستالادى. ولار «فورت-شەۆچەنكو-تاۋچيك-شەتپە» اۆتوموبيل جولىن ورتاشا جوندەۋ 52-91 كم» (39 كم) , «وندى اۋىلىنداعى پيانەر لاگەرىنە كىرمە جول» اۆتوموبيل جولىن ورتاشا جوندەۋ (6 كم), «ەراليەۆا ستانتسياسىنا كىرمە جول اۆتوموبيل جولىن ورتاشا جوندەۋ (12 كم), «شايىر اۋىلىنا كىرمە جولىن ورتاشا جوندەۋ» (2,8 كم), «جارمىش اۋىلىنا كىرمە جولىن ورتاشا جوندەۋ» (2 كم), «سىڭعىرلاۋ اۋىلىنا كىرمە جولىن ورتاشا جوندەۋ» (2 كم), «جاڭاوزەن-قۇلاندى» اۆتوموبيل جولىن ورتاشا جوندەۋ» (4,1 كم), «قىزىلوزەن اۋىلىنا كىرمە جولىن ورتاشا جوندەۋ» (9 كم), «تاۋشىق اۋىلىنا كىرمە جولىن ورتاشا جوندەۋ» (3 كم), «ماڭعىشلاق ستانتسياسى - كارەر-400» ورتاشا جوندەۋ» (5,6 كم), «جاڭاوزەن قالاسىنا كىرمە جول» اۆتوموبيل جولىن ورتاشا جوندەۋ (4,75 كم), «جاڭاوزەن ستانتسياسىنا كىرمە جول» اۆتوموبيل جولىن ورتاشا جوندەۋ (4,96 م).
اۋىل تۇرعىندارىنىڭ ءومىر ءسۇرۋ ساپاسىن ارتتىرۋعا باعىتتالعان 2019 جىلى ەلىمىزدە «اۋىل – ەل بەسىگى» جوباسى قابىلداندى.
جوبا اياسىندا بەينەۋ, شەتپە جانە ماڭعىستاۋ اۋىلدارىندا 24,3 شاقىرىم جول ورتاشا جوندەۋدەن ءوتتى, ماڭعىستاۋ اۋىلىندا 7,5 شاقىرىم جاڭا جول سالىندى.
وسى جىلى بەينەۋ, اقشۇقىر, قىزىلتوبە, باياندى, باسقۇدىق اۋىلدارىندا 4 ملرد تەڭگەگە 46,1 شاقىرىم جول سالىنادى جانە 47,4 شاقىرىم جول ورتاشا جوندەۋدەن وتكىزىلەدى.
2019 جىلى وبلىستىق جانە اۋداندىق ماڭىزداعى اۆتوموبيل جولدارىن قارجىلاندىرۋعى بارلىعى 13,4 ملرد تەڭگە. ونىڭ ىشىندە: رەسپۋبليكالىق بيۋدجەتتەن 12,3 ملرد تەڭگەگە قولداۋ كورسەتىلىپ, جەرگىلىكتى بيۋدجەتتەن 1,1 ملرد تەڭگە قاراستىرىلىپ تولىقتاي يگەرىلدى.
وسى جىلعا جەرگىلىكتى جەلى جولدارىن جوندەۋ جانە قايتا قۇرىلىمداۋ ءۇشىن رەسپۋبليكالىق بيۋدجەتتەن 7 ملرد 467 ملن تەڭگەگە قولداۋ كورسەتىلدى. جەرگىلىكتى بيۋدجەتتەن 2 ملرد 694 ملن تەڭگە قاراستىرىلعان. ولار 29 جوبانى ىسكە اسىرۋدى جانە 148,9 كم استام جولدى جاقسارتۋدى كوزدەيدى. (بارلىعى – 10,2 ملرد تەڭگە)
سونىمەن قاتار «جۇمىسپەن قامتۋ جول كارتاسى» باعدارلاماسى اياسىندا كولىك ينفراقۇرىلىمىن دامىتۋعا جەرگىلىكتى بيۋدجەتتەن 3 ملرد 223 ملن تەڭگە ءبولىندى. جوبا اياسىندا 13 جوبا ىسكە اسىرىلىپ, 557 ادامدى جۇمىسپەن قامتۋ جوسپارلانۋدا.