ستۋدەنتتەرمەن, اتا-انالارمەن جانە وقىتۋشىلارمەن ونلاين-كەزدەسۋدە اباي اتىنداعى قازۇپۋ رەكتورى تاكير بالىقباەۆ توتەنشە جاعدايعا بايلانىستى جانە ۇكىمەت ىندەتتىڭ تارالۋىن بولدىرماۋ ءۇشىن قاجەتتى شارالار قابىلداعانىن اتاپ ءوتتى.
رەكتور @abai_university Instagram پاراقشاسىندا تىكەلەي ەفيردە وتكەن كەزدەسۋدە ۋنيۆەرسيتەتتە جاسالىپ جاتقان جۇمىستار بارىسىنا توقتالدى. قازىرگى كەزدە ماڭىزدى ءىس-شارالاردىڭ ءبىرى – قاشىقتان وقۋ. وسى ورايدا رەكتور ءبىلىم بەرۋ ۇردىسىندەگى قاشىقتان وقىتۋ ماسەلەلەرى, ەمتيحانداردىڭ مەرزىمدەرى مەن شارتتارى, وقۋ بارىسىندا جاسالاتىن جەڭىلدىكتەر, ديسسەرتاتسيالار, تاعلىمدامالارعا قاتىستى سۇراقتارعا جاۋاپ بەردى.
ۋنيۆەرسيتەت رەكتورى ت.بالىقباەۆ اتاپ وتكەنىندەي, 16 ناۋرىزدان باستاپ تولىعىمەن قاشىقتان وقۋعا كوشكەن وقۋ ورنىنىڭ جاتاقحانادا تۇراتىن ستۋدەنتتەرى ۇيلەرىنە ورالدى. جاتاقحانادا 47 شەتەلدىك ستۋدەنت تۇرىپ جاتىر. قاشىقتان ءبىلىم بەرۋ ۇدەرىسىندە «Univer», «Moodle» جۇيەلەرى جانە باسقا دا اقپاراتتىق-كوممۋنيكاتسيالىق تەحنولوگيالار قولدانىلۋدا. وقۋ كەزىندە وقىتۋشىلار مەن ستۋدەنتتەردە بىرقاتار قيىندىقتار تۋىنداعانى بەلگىلى. بىرىنشىدەن, وقىتۋشىلار ءۇشىن قاشىقتان وقىتۋ تاجىريبەسىنىڭ جەتىسپەۋشىلىگى. ماسەلەنى شەشۋ ءۇشىن ۋنيۆەرسيتەتتە قاشىقتان وقىتۋعا كوشۋ بويىنشا دايىندىق جۇمىستارى جۇرگىزىلدى. قاشىقتان وقىتۋ پلاتفورمالارى بويىنشا ونلاين-ۆەبينارلار ۇيىمداستىرىلىپ, ونلاين-وقىتۋ بويىنشا كەزەڭ-كەزەڭىمەن نۇسقاۋلىقتار بەرىلدى, ءتۇسىندىرۋ جۇمىستارى جۇرگىزىلدى. قازىرگى ۋاقىتتا وقىتۋشىلار جۇمىستىڭ وڭتايلى جانە الۋان تۇرلەرىن (ۆيدەو ساباق, وزىندىك جۇمىس, ونلاين كۋرستار) قول جەتىمدى اقپاراتتىق-كوممۋنيكاتسيالىق تەحنولوگيالاردى (WhatsApp جانە Telegram, Zoom, Moodle, سكايپ, ەلەكتروندى پوشتا جانە ت.ب.) قولدانۋ ارقىلى داعدىلارىن قالىپتاستىرۋدا. سونىمەن قاتار وقىتۋشىلار قاعاز باستىلىق پەن ەسەپتىك جۇكتەمەلەردەن بوساتىلعان. ەكىنشىدەن, اۋىلدىق جەرلەردە تۇراتىن ستۋدەنتتەردى ينتەرنەت جانە تەحنيكالىق قۇرالدارمەن قامتاماسىز ەتۋ ماسەلەلەرى جەكە قاراستىرىلىپ, بارىنشا جاعداي جاسالۋدا.
جازعى سەسسيادا ەمتيحاندار «Proctoring» جۇيەسىندە ونلاين-تەست تۇرىندە (تەستىلەۋدى ونلاين رەجيمىندە باسقارۋ) وتەتىن بولادى. ەمتيحاندى كومپيۋتەر, نوۋتبۋك, سمارتفون ارقىلى دا تاپسىرۋعا بولادى. قازىر بۇل جۇيە سىناقتان وتۋدە. ونلاين-تەستىلەۋ بويىنشا اقپارات (نۇسقاۋلىق) سايتتا ۇسىنىلادى. شىعارماشىلىق پاندەر بويىنشا ەمتيحاندار جانە ديسسەرتاتسيالاردى قورعاۋ بەينەكونفەرەنتسيا فورماتىندا پلاتفورمالار ارقىلى وتەدى. ديپلومدىق جۇمىستار پلاگياتقا تەكسەرىلەدى, پروكتورينگ قولدانىلادى. قازىرگى جاعدايعا بايلانىستى وقۋ اقىسىن مامىر ايىنىڭ سوڭىنا دەيىن شەگەرۋ تۋرالى شەشىم قابىلدانعان.
ء«بىز وقۋ جەڭىلدىكتەرى تۋرالى وتىنىشتەردى (بەلگىلەنگەن تالاپتارعا سايكەس ءتيىستى قۇجاتتار نەگىزىندە) قاراستىرامىز. بىراق مۇندا ۋنيۆەرسيتەت ءوز كەزەگىندە بارلىق وقىتۋشىلار مەن قىزمەتكەرلەردىڭ جۇمىسىن تولىق كولەمدە جانە تيىسىنشە شىعىنداردى تولەپ جاتقاندىعىن اتاپ وتكىم كەلەدى. ۋنيۆەرسيتەت توتەنشە جاعدايعا بايلانىستى قىزمەتكەرلەردى دەمالىسقا جىبەرمەي, تولىق جالاقى تولەۋدە. ال وقۋ جىلىنىڭ باسىنان باستاپ 1500 ستۋدەنتكە جەڭىلدىكتەر (350 ميلليون تەڭگەدەن استام) جاسالدى», - دەپ اتاپ وتتىرەكتور.
ايتا كەتۋ كەرەك, رەكتوردىڭ باسشىلىعىمەن وقىتۋشىلار مەن ءبىلىم الۋشىلاردىڭ تج جاعدايىندا قاۋىپسىزدىگىن بارىنشا قولداۋ جانە باقىلاۋ, قاشىقتان ءبىلىم بەرۋ ۇدەرىسىندە وقىتۋ قۇرالدارىمەن قامتاماسىز ەتۋ ماقساتىندا ارنايى شتاب قۇرىلدى. قولداۋ كورسەتۋ ماقساتىندا شاكىرتاقى بەرىلىپ, وقىتۋشىلار مەن قىزمەتكەرلەرگە جالاقى تولەندى.
سونىمەن قاتار ۋنيۆەرسيتەتتىڭ بارلىق ۇجىمى ء«بىز بىرگەمىز» جانە «ۇيدە بول» اكتسيالارىن قولداپ, «ىزگىلىك ەلشىسى» ەرىكتىلەرى قايىرىمدىلىق اكتسيالارىنا قاتىسىپ, از قامتىلعان وتباسىلارعا زاڭگەرلىك كومەك كورسەتۋدە.