الماتى قالاسىنىڭ اكىمى ب.ساعىنتاەۆ مەملەكەت باسشىسى قاسىم-جومارت توقاەۆقا قالاداعى كوروناۆيرۋس ينفەكتسياسىمەن كۇرەس تۇرعىسىندا اتقارىلىپ جاتقان شارالار تۋرالى باياندادى.
مەملەكەت باسشىسىمەن تەلەفون ارقىلى سويلەسۋ بارىسىندا باقىتجان ساعىنتاەۆ الماتىداعى قازىرگى سانيتارلىق-ەپيدەميولوگيالىق جاعداي, كوروناۆيرۋس ىندەتىنىڭ تارالۋىنا جول بەرمەۋ, سونداي-اق كارانتين رەجيمىن قامتاماسىز ەتۋ جانە الەۋمەتتىك كومەككە مۇقتاج تۇرعىندارعا قولداۋ كورسەتۋ ماقساتىندا قابىلدانىپ جاتقان شارالار تۋرالى باياندادى.
«قازىرگى تاڭدا ينفەكتسيانىڭ جاسىرىن وشاقتارىن انىقتاۋ ءۇشىن ىندەت جۇقتىرۋى مۇمكىن دەگەن بارلىق تاۋەكەل توپ وكىلدەرىن جاپپاي تەستىلەۋدى جالعاستىرۋدامىز. پتسر ادىسىمەن 26 مىڭعا جۋىق ادام تەستىلەۋدەن ءوتتى, تاعى 21 مىڭى جەدەل-تەستىلەۋدەن وتكىزىلدى, – دەپ اتاپ ءوتتى ب.ساعىنتاەۆ. – وسىنداي جەدەل قولعا الىنعان شارالاردىڭ ناتيجەسىندە مەديتسينا قىزمەتكەرلەرى مەن اسكەري قىزمەتشىلەردىڭ جەكەلەگەن توپتارى اراسىندا قاتەرلى ۆيرۋستى جۇقتىرۋ وشاقتارى انىقتالۋدا. ولاردىڭ ءبارى دەرەۋ وقشاۋلانىپ, ينفەكتسيانىڭ ودان ءارى تارالىپ كەتپەۋى ءۇشىن ءتيىستى سانيتارلىق-ەپيدەميولوگيالىق شارالار قابىلدانۋدا».
بۇدان باسقا, قالانىڭ ينفەكتسيادان تازا اۋماعىن قورعاۋ ماقساتىندا ىندەت انىقتالىپ جاتقان توپتاعى ادامدار بولەك ورىندارعا ارنايى بولىنگەن تاسىمالداۋ كولىكتەرىمەن جەتكىزىلۋدە.
قازاقستان پرەزيدەنتىنىڭ تاپسىرماسىنا سايكەس مەگاپوليستىڭ ەكونوميكالىق بەلسەندىلىگىن كەزەڭ-كەزەڭىمەن جاڭعىرتۋ ستراتەگياسى ازىرلەندى. ول ءۇشىن قالانىڭ ەكونوميكاسىنا قان جۇگىرتىپ, قايتا قالپىنا كەلتىرۋ ءۇشىن الەۋەتى جوعارى كاسىپورىندار, سونداي-اق كوروناۆيرۋس ينفەكتسياسىن تاراتۋ قاۋپى تومەن دەپ تانىلعان سەكتورلار انىقتالدى.
بيزنەس وكىلدەرى ءۇشىن بورىشكەرلىك جانە قارجىلىق قيىندىقتاردى ازايتۋ بويىنشا جۇيەلى شارالار قابىلدانۋدا. ەدب-مەن بىرلەسىپ بيزنەس سۋبەكتىلەرىنىڭ قارىزدارى بويىنشا توتەنشە جاعداي كەزىندە تولەمدەردى كەيىنگە قالدىرۋدى جەدەلدەتۋ ماسەلەسى پىسىقتالدى. بۇدان باسقا قالا ەكونوميكاسىن قالپىنا كەلتىرۋ ءۇشىن داعدارىسقا قارسى جوسپار ازىرلەنۋدە.
«جۇمىسپەن قامتۋدىڭ جول كارتاسى» باعدارلاماسى بويىنشا جوبالاردى ىسكە اسىرۋ كەزىندە شامامەن 26 مىڭ جۇمىس ورنى قۇرىلادى. قولدانىستاعى باعدارلامالاردى, اتاپ ايتقاندا, «الماتى بيزنەس – 2025» جانە ءىرى ينۆەستيتسيالىق جوبالاردى ىسكە اسىرۋ جالعاسادى. ال بۇل ءوز كەزەگىندە تاعى 15 مىڭعا جۋىق جاڭا جۇمىس ورنىن قۇرۋعا مۇمكىندىك بەرەدى.مەملەكەت باسشىسىنىڭ تاپسىرمالارىن ورىنداۋ ماقساتىمەن توتەنشە جاعداي كەزىندە حالىقتىڭ الەۋمەتتىك وسال توپتارىن جانە قالا تۇرعىندارىن قولداۋ ءۇشىن كەشەندى شارالار ىسكە اسىرىلۋدا.
مۇقتاجداردىڭ بىرىڭعاي ءتىزىمىن قالىپتاستىرۋ ءۇشىن وتىنىشتەر قابىلدايتىن كولل-ورتالىق قۇرىلدى. دەمەۋشىلەردىڭ قاراجاتى ەسەبىنەن ازىق-ت ۇلىك سەبەتىن جەتكىزۋ, 2 اەك كولەمىندە الەۋمەتتىك تولەمدەر, «Birgemiz» قق-نان 50 مىڭ تەڭگە مولشەرىندەگى قايىرىمدىلىق كومەك, ۇوس قاتىسۋشىلارى مەن مۇگەدەكتەرىنە 1 ملن. تەڭگە, ولارعا تەڭەستىرىلگەن تۇلعالارعا 100 مىڭ تەڭگە جانە ەڭبەك مايدانىنا قاتىسۋشىلارعا 50 مىڭ تەڭگە مولشەرىندە بىرجولعى الەۋمەتتىك تولەم سەكىلدى كومەك تۇرلەرى ۇيىمداستىرىلدى.
ازىق-ت ۇلىك جيىنتىعىمەن 10 243 مۇقتاج وتباسى قامتاماسىز ەتىلدى. ال 2 اەك مولشەرىندەگى الەۋمەتتىك كومەكپەن 68,2 مىڭ ادام قامتىلدى. بۇگىنگى كۇنى 44,2 مىڭ ادامعا 246,2 ملن.تەڭگەگە كومەك كورسەتىلگەن. سونىمەن قاتار, رەسمي تۇردە جۇمىسسىز رەتىندە تىركەلگەن ءىىى توپتاعى 17,2 مىڭ مۇگەدەك جان 95,8 ملن. تەڭگەگە كومەك الدى.
توتەنشە جاعدايعا وراي تابىسىنان ايىرىلعان ازاماتتارعا تيەسىلى 42500 تەڭگە (1 ەتج) 333 215 تۇرعىنعا 14,2 ملرد. تەڭگە سوماسىندا تاعايىندالىپ, اۋدارىلدى.
تەلەفون ارقىلى سويلەسۋ بارىسىندا قازاقستان پرەزيدەنتى قاسىم-جومارت توقاەۆ قىزمەتىن قايتا باستايتىن كاسىپورىن قىزمەتكەرلەرىنىڭ سانيتارلىق قاۋىپسىزدىگىن قامتاماسىز ەتۋدى تاپسىردى. سونىمەن قاتار, قالا اكىمدىگى مۇقتاجدارعا الەۋمەتتىك كومەك كورسەتۋ شارالارىن ىسكە اسىرۋ جانە كوروناۆيرۋستىق ينفەكتسيانىڭ تارالۋىنا جول بەرمەۋ ءۇشىن سانيتارلىق-ەپيدەميولوگيالىق جاعدايدى تۇراقتاندىرۋ جونىندەگى جۇمىستى جالعاستىرۋى قاجەت.