بۇل ءتۋرالى بىلىم جانە عىلىم ۆيتسە-ءمينيسترى شولپان كارينوۆا ونلاين-بريفينگتە باياندادى. ۆەدومستۆو وكىلى پەداگوگتاردىڭ جالاقىسىنا قاتىستى مەملەكەتتىك كوميسسيانىڭ شەشىمى بار ەكەنىن جەتكىزدى.
– جالپى مەملەكەتتىك تاپسىرىستىڭ بولىنگەنى جونىندە مەملەكەتتىك كوميسسيانىڭ شەشىمى بار. بارلىق مەملەكەتتىك ۇيىمدار بەلگىلەنگەن مەملەكەتتىك تاپسىرىستى بالالاردىڭ كەلىپ-كەلمەگەنىنە قاراماستان ورىندايدى. سوندىقتان مەملەكەتتىك مەكتەپكە دەيىنگى ۇيىمدارداعى پەداگوگتاردىڭ جالاقىسى تولىق ساقتالادى. ەگەر تاربيەشى جالاقىسى ساقتالمايتىن ەڭبەك دەمالىسىنا جىبەرىلسە, بۇل دۇرىس ەمەس. وسىنداي ناقتى فاكتىلەر ورىن السا, ءبىزدى حاباردار ەتۋلەرىڭىزدى سۇرايمىز. ءبىز سول ءبىلىم بەرۋ ۇيىمدارىمەن جۇمىس ىستەيمىز. مينيسترلىكتىڭ العاشقى بۇيرىعىندا توتەنشە جاعداي كەزەڭىنە قىزمەتكەردىڭ جىل سايىنعى ەڭبەك دەمالىسىنا شىعاتىن ۋاقىتى ساكەس كەلسە عانا جىبەرىلۋىن كورسەتكەنبىز. جالاقىسى تولەنبەيىتىن ەڭبەك دەمالىسى تۋرالى ءسوز بولعان جوق, – دەدى ش.كارينوۆا