رەسەيلىك عارىشكەر ولەگ سكريپوچكا مەن امەريكالىق استروناۆتار دجەسسيكا مەير جانە ەندريۋ مورگان قازاقستان جەرىنە ءساتتى ورالدى.
روسكوسموس حابارلاماسىنا سۇيەنسەك, ەكيپاج كومانديرى ولەگ سكريپوچكا روسكوسموس باس ديرەكتورى د.روگوزينگە جەرگە ورالۋ بارىسىنا قاتىستى مالىمەتتەردى شتاتتى رەجيمدە حابارلادى.
NASA باسشىسى دجيم برايەنشتەين «سويۋز مس-15» عارىش كەمەسىنىڭ ەكيپاجىن قۇتتىقتاسا, ءوز كەزەگىندە روسكوسموستىڭ باس ديرەكتورى دميتري روگوزين دە بارلىق ەكيپاج مۇشەلەرىن قۇتتىقتاۋىن ارناپ, قازاقستانعا جانە كەمەنى عارىشقا ۇشۋعا دايىنداعان ماماندارعا العىسىن ءبىلدىردى.
«سويۋز مس-15» ەكيپاجى جەرگە پاندەميا كەزىندە ورالعاندىقتان, ولاردى كەمەنىڭ قونۋ ايماعىنان ەۆاكۋاتسيالاۋ ۋاقىتى ينفەكتسيانى بولدىرماۋ ءۇشىن شەكتەلەدى. مەديتسينالىق تەكسەرۋدەن كەيىن عانا عارىشكەر مەن استروناۆتتار تىكۇشاقپەن بايقوڭىرعا جەتكىزىلىپ, عارىشكەرلەر ءوز ەلدەرىنە ورالاتىن بولادى.