بۇل تۋرالى «بولاشاق» حالىقارالىق باعدارلامالار ورتالىعىنىڭ پرەزيدەنتى اينۇر كارىبوزوۆا ونلاين-بريفينگتە باياندادى. ەلەۋلى وزگەرىستەر بىلىم جانە عىلىم مينيسترلىگىنىڭ «حالىقارالىق باعدارلامالار ورتالىعى» اق باعدارلامانىڭ ىسكە اسىرىلۋىنا جۇرگىزىلگەن مونيتورينگ ناتيجەلەرى, سونداي-اق سىبايلاس جەمقورلىق تاۋەكەلدەرىن تالداۋ نەگىزىندە قولعا الىنعان.
– ءبىز ەنگىزىپ جاتقان وزگەرىستەر, ەڭ الدىمەن «بولاشاق» ستيپەندياسىن تاعايىنداۋدىڭ اشىقتىعىن ارتتىرۋعا باعىتتالعان. ءبىز وسى كۇنگە دەيىن بولعان بارلىق ىقتيمال سىبايلاس جەمقورلىق تاۋەكەلدەرىن جويدىق. ءبىز ەلىمىزدەگى تەك ۇزدىكتەردىڭ ۇزدىگى عانا حالىقارالىق پرەزيدەنتتىك ستيپەنديا بويىنشا ءبىلىم العانىن قالايمىز, – دەدى ا.كارىبوزوۆا.
ورتالىق جولداعان ارنايى ءباسپاسوز حابارلاماسىندا اتالعان وزگەرىستەردىڭ ەڭ الدىمەن اشىقتىقتى ارتتىرۋعا, بارلىق ۇمىتكەرلەر ءۇشىن تەڭ مۇمكىندىكتەر جاساۋعا, ىرىكتەۋدىڭ وبەكتيۆتىلىگىن كۇشەيتۋگە, سونداي-اق بيۋروكراتيالىق كەدەرگىلەر مەن بۇرىنعى ماسەلەلەردى شەشۋگە باعىتتالعانى ايتىلعان.
ەنگىزىلەتىن وزگەرىستەر تۋرالى:
«1. باسىم ماماندىقتاردىڭ جاڭا تىزبەسى
ستيپەنديا الۋعا بولاتىن باسىم ماماندىقتار تىزبەسى ەڭبەك نارىعى قاجەتتىلىكتەرىنىڭ ورتا مەرزىمدى بولجامىن ەسكەرە وتىرىپ قالىپتاستىرىلادى. ونى جۇمىسپەن قامتۋ ماسەلەلەرى جونىندەگى ۋاكىلەتتى ورگان الەۋمەتتىك-ەكونوميكالىق دامۋ پەرسپەكتيۆالارى مەن تالداۋ نەگىزىندە جاسايتىن بولادى. بۇل قازاقستان رەسپۋبليكاسىنىڭ كاسىپورىندارى مەن ۇيىمدارىنا قاجەت جوعارى بىلىكتى كادرلاردى دايارلاۋعا كومەكتەسەدى.
حالىقارالىق ستيپەندياعا ۇمىتكەرلەرگە ارنالعان كۆوتالىق ساناتتار قىسقارتىلدى
ستيپەندياعا ۇمىتكەرلەردىڭ بارلىعىنا مۇمكىندىك بىردەي. ۇمىتكەرلەردىڭ بارلىق جەڭىلدىك كۆوتا ساناتتارى الىنىپ تاستالادى. بارلىق ۇمىتكەرلەر شەتەلدىك جوعارى وقۋ ورىندارىنا وزبەتىنشە تۇسۋلەرى ءتيىس.
سونداي-اق, جاڭا قاعيدالاردا اۋىلدىق جەردەن شىققان ۇمىتكەرلەردى قوسپاعاندا, بۇرىن ۇسىنىلعان الدىن الا تىلدىك دايىندىق كۋرستارى الىپ تاستالدى.
حالىقارالىق ستيپەندياعا ۇمىتكەرلەرگە قويىلاتىن مەملەكەتتىك جانە شەت تىلدەرىن ءبىلۋ تالاپتارىن ارتتىرۋ
جاڭا قاعيدالار بويىنشا ىرىكتەۋ تۋرلارى شەڭبەرىندە تىلدەردى ءبىلۋ دەڭگەيىن تەكسەرۋ الىپ تاستالعان. ۇمىتكەرلەر وزبەتىنشە تەست تاپسىرۋلارى جانە قۇجاتتاردى تاپسىرۋ كەزىندە مەملەكەتتىك (KazTEST ۆ1) جانە شەت تىلىنەن (كەمىندە IELTS 6.5) سەرتيفيكات ۇسىنۋلارى ءتيىس.
حالىقارالىق ستيپەنديا تاعايىنداۋعا ارنالعان بارلىق ۇمىتكەرلەر ءۇشىن كونكۋرستىق ىرىكتەۋ تۋرلارىنىڭ سانىن قىسقارتۋ
كونكۋرستىق ىرىكتەۋ كەزىندەگى 6 تۋردىڭ ورنىنا بارلىعى 3 تۋر بولادى. ۋاجدەمەلىك جانە ۇسىنىس حاتتارىن باعالاۋ, سونداي-اق مەملەكەتتىك جانە شەت تىلدەرىن ءبىلۋ دەڭگەيىن انىقتاۋ بويىنشا ىرىكتەۋ تۋرلارى قىسقارادى. ىرىكتەۋ تۋرلارىندا زياتكەرلىك جانە ەموتسيونالدىق IQ دەڭگەيىن انىقتاۋعا ارنالعان كەشەندى تەستىلەۋ, تاۋەلسىز ساراپتامالىق كوميسسيا مۇشەلەرىمەن جەكە اڭگىمەلەسۋ جانە شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ ۇمىتكەرلەردى قاراستىرۋى قامتىلادى.
تاۋەلسىز ساراپتامالىق كوميسسيانىڭ جۇمىسى
تاۋەلسىز ساراپتامالىق كوميسسيانىڭ (تسك) قۇرامىنا قويىلاتىن تالاپ كۇشەيتىلەدى, ەندى كوميسسيا قۇرامىنداعى 3 ادامنىڭ ورنىنا كەمىندە 5 ادام شەشىم قابىلدايدى. ۇمىتكەرلەردى ىرىكتەۋدىڭ بۇكىل پروتسەسى جانە بارلىق كوميسسيا وتىرىستارى ونلاين تاراتىلادى. ءوز جۇمىسىنىڭ بارىسىندا كوميسسيانىڭ قويا الاتىن بارلىق سۇراقتارى, ونىڭ ىشىندە قوسىمشا سۇراقتارى دا ناقتى رەگلامەنتتەلەدى.
قۇجاتتاردى قابىلداۋ مەن كونكۋرستىق ىرىكتەۋ ءراسىمىن اۆتوماتتاندىرۋ
ەلەكتروندىق ۇكىمەتتىڭ ۆەب-پورتالىندا ۇمىتكەردىڭ جەكە كابينەتى ارقىلى ۇمىتكەرلەردىڭ قۇجاتتارىن قابىلداۋ پروتسەسى تولىقتاي اۆتوماتتاندىرىلدى. قازىرگى تاڭدا ادامي فاكتوردىڭ قاتىسۋىن ازايتۋ ماقساتىندا كونكۋرستىق ىرىكتەۋ كەزەڭدەرىنىڭ اۆتوماتتاندىرىلۋىن قامتاماسىز ەتۋ جۇمىستارى جۇرگىزىلۋدە. اتاپ ايتقاندا, بۇكىل ىرىكتەۋ پروتسەسى پرەزيدەنتتىك كادرلىق رەزەرۆكە ىرىكتەۋ ۇلگىسى بويىنشا تسيفرلىق پلاتفورمانى پايدالانۋ ارقىلى جۇرگىزىلەدى.
ورتالىق سونىمەن بىرگە قادامدىق نۇسقاۋلىقتار ازىرلەيدى جانە رەگلامەنتتەۋشى قۇجاتتارعا سايكەس كونكۋرستىق ىرىكتەۋگە قاتىساتىن قىزمەتكەرلەردىڭ جاۋاپكەرشىلىگىن كۇشەيتەدى.
اكىمدەۋشىنى ساپالى قايتا جۇكتەۋ
2019 جىلعى قىركۇيەكتەن باستاپ باعدارلاما اكىمشىسىنىڭ جۇمىسىندا وزگەرىستەر بولىپ جاتىر: ورتالىقتىڭ ديرەكتورلار كەڭەسى 4 تاۋەلسىز ديرەكتوردى قوسۋ ارقىلى كۇشەيتىلدى, بەيىندىك بولىمشەلەرگە كاسىبي كادرلار قابىلداندى, ونىڭ ىشىندە «بولاشاق» باعدارلاماسىنىڭ تۇلەكتەرى بار, شەتەلدەگى وكىلدىكتەر سانى قىسقارتىلدى. ءباسپاسوز حاتشىسى جانە ادەپ جونىندەگى ۋاكىل لاۋازىمدارى ەنگىزىلدى, 2 كەڭەسشى مەن ورتالىقتىڭ 1 ۆيتسە-پرەزيدەنتى لاۋازىمدارى قىسقارتىلدى, سونداي-اق ورتالىقتىڭ شتاتى قىسقاردى.
كومپلاەنس-وفيتسەر لاۋازىمى ەنگىزىلدى, جۇمىسىنىڭ ماقساتى – مۇددەلەر شيەلەنىسىن رەتتەۋ, سونداي-اق قازاقستان رەسپۋبليكاسىنىڭ قولدانىستاعى زاڭناماسىن بۇزۋعا بايلانىستى ىقتيمال تاۋەكەلدەردىڭ, ونىڭ ىشىندە سىبايلاس جەمقورلىقتىڭ الدىن الۋ. كونكۋرستىڭ بارلىق كەزەڭدەرىنىڭ بارىنشا اشىق وتۋىنە قول جەتكىزۋ جانە وبەكتيۆتى شەشىم قابىلداۋ ماقساتىندا بوس لاۋازىم ورىندارىنا جاڭا قىزمەتكەرلەردى قابىلداۋدى تسيفرلاندىرۋ بويىنشا جۇمىس جۇرگىزىلۋدە», دەلىنگەن.
ايتا كەتەيىك, جاڭا قاعيدالار ۇكىمەت قاۋلىسىمەن بەكىتىلگەننەن كەيىن «حالىقارالىق باعدارلامالار ورتالىعى» اق www.bolashak.gov.kz رەسمي سايتىندا جاريالانادى.