«باتىس» وڭىرلىك قولباسشىلىعىنىڭ اسكەري قىزمەتكەرلەرى تۇرعىن ۇيلەردىڭ پودەزدەرىندە سانيتارلىق جۇمىستاردىڭ ەكىنشى تولقىنىن باستادى. بۇل جايلى «باتىس» وڭىرلىك قولباسشلىعىى ءباسپاسوز قىزمەتى حابارلادى.
اتىراۋدا قازاقستان قارۋلى كۇشتەرىنىڭ اسكەري قىزمەتشىلەرى تۇرعىن ۇيلەردىڭ كىرەبەرىستەرىندە دەزينفەكتسيا جۇمىستارىن جۇرگىزە باستادى. بارلىق ىقشام اۋداندار مەن ولارعا ىرگەلەس اۋماقتاردى, ويىن الاڭدارى, الاڭدار مەن ساياباقتار, مەملەكەتتىك مەكەمەلەر, بازارلار, ۆوكزالدار مەن اۋەجاي اۋماعىن اياقتاعاننان كەيىن ولار تۇرعىن ۇيلەردىڭ بارلىق كىرەبەرىستەرىن ارالاپ, ويىن الاڭدارىن قايتا زالالسىزداردىرۋدا جوسپارلاپ وتىر.
-اتىراۋ قالاسىندا دەزينفەكتسيالاۋ جۇمىستارى باستالعاننان بەرى جالپى اۋماعى 300 مىڭ شارشى مەتردەن اساتىن 126 ءتۇرلى وبەكتىلەر زالالسىزداندىرىلدى. وسى جۇمىستار بارىسىندا ءبىز ارنايى «رۋبەج» قوسپاسى مەن كالتسي گيپوحلوريتىن قولدانىپ جاتىرمىز. قوسپانى دايىنداۋ كەزىندەگى قولدانىلاتىن زاتتاردىڭ ۇلەسى ادامدار مەن جانۋارلارعا ەش قاۋىپ توندىرمەيدى, دەيدى «باتىس» وڭىرلىك قولباسشىلىعىنىڭ رحب قورعانىس كۇشتەرىنىڭ باستىعى.الماس نەسىپقاليەۆ,
بۇگىنگى تاڭدا 100-گە جۋىق اسكەري قىزمەتشى سانيتارلىق جۇمىستارعا تارتىلعان. ولار 20 ادامنان تۇراتىن 5 توپقا بولىنگەن. زالالسىزداندىرۋ جۇمىستارى يدك-1 جەكە دەگازاتسيالىق جيىنتىعى كومەگىمەن جۇزەگە اسىرىلادى. جيناق بۇركۋ ءپرينتسيپى ارقىلى جۇمىس ىستەيدى. ءبىر كىرەبەرىستە, ورتا ەسەپپەن 20 ليتر ەرىتىندى قاجەت.
ايتا كەتسەك, كارانتين رەجيمىن قامتاماسىز ەتۋ شارالارى اياسىندا اتىراۋ قالاسىنا 195-تەن استام اسكەر جۇمىلدىرىلعان. كوروناۆيرۋستىڭ تارالۋىن بولدىرماۋ ءۇشىن قورعانىس مينيسترلىگى قالالارداعى كوشەلەردى, عيماراتتار مەن حالىق كوپ جينالاتىن جەرلەردى سانيتارلىق تازارتۋ ءۇشىن رادياتسيالىق, حيميالىق جانە بيولوگيالىق قورعانىس جاساقتارىن جىبەردى.
ماڭعىستاۋ وبلىسى