قازاقستاننىڭ قاي جاعىنا زەر سالا قاراساڭىز دا كوركىنە كوز تويماستاي اسەم قالالار نازار اۋدارادى. سونىڭ ءبىرى – ارقا توسىنەن بوي كوتەرگەن قۇتتى, قازىنالى قوستاناي. ءىرى ءوندىرىس ورنى بولۋمەن قاتار, سۇلۋ كوشە, ءساندى ۇيلەر, سىمباتتى عيماراتتارىمەن ۋاقىت العا وزعان سايىن ايرىقشا اجارلانىپ بارا جاتقان قالاعا سىرتتان كەلۋشى مەيماندار مەن جەرگىلىكتى حالىقتىڭ ءجيى باس سۇعاتىن كيەلى مەكەنىنىڭ ءبىرى – وبلىستىق ىبىراي ءالتىنساريننىڭ مەموريالدىق مۇراجايى. ول داڭقتى پەداگوگ, الىپ اعارتۋشى, تارلان تۇلعانىڭ تۋعانىنا 150 جىل تولۋى قۇرمەتىنە 1991 جىلى شاڭىراق كوتەرگەن بولاتىن. ياعني, ەگەمەندى ەلدىڭ ءتول قۇرداسى.
قازاقستاننىڭ قاي جاعىنا زەر سالا قاراساڭىز دا كوركىنە كوز تويماستاي اسەم قالالار نازار اۋدارادى. سونىڭ ءبىرى – ارقا توسىنەن بوي كوتەرگەن قۇتتى, قازىنالى قوستاناي. ءىرى ءوندىرىس ورنى بولۋمەن قاتار, سۇلۋ كوشە, ءساندى ۇيلەر, سىمباتتى عيماراتتارىمەن ۋاقىت العا وزعان سايىن ايرىقشا اجارلانىپ بارا جاتقان قالاعا سىرتتان كەلۋشى مەيماندار مەن جەرگىلىكتى حالىقتىڭ ءجيى باس سۇعاتىن كيەلى مەكەنىنىڭ ءبىرى – وبلىستىق ىبىراي ءالتىنساريننىڭ مەموريالدىق مۇراجايى. ول داڭقتى پەداگوگ, الىپ اعارتۋشى, تارلان تۇلعانىڭ تۋعانىنا 150 جىل تولۋى قۇرمەتىنە 1991 جىلى شاڭىراق كوتەرگەن بولاتىن. ياعني, ەگەمەندى ەلدىڭ ءتول قۇرداسى.
قازىر اتالعان مۇراجايدا ون ەكى مىڭنان استام جادىگەر بار. مۇندا كەلۋشىلەر ماسكەۋ, سانكت-پەتەربۋرگ, ورىنبور, الماتى, اقتوبە جانە باسقا دا قالالاردان ۇقىپتى تۇردە جينالعان, ساقتالعان قۇجاتتارمەن جان-جاقتى تانىساتىن, قىر توسىنە ءبىلىم ءدانىن سەپكەن اعارتۋشىنىڭ ومىرىنەن, ونىڭ تاعدىرلى, ءتالىمدى عۇمىرىنىڭ بايانىنان مول ماعلۇمات الادى. اسىرەسە, سوڭعى جىلى جۇرگىزىلگەن كۇردەلى جوندەۋ جۇمىسى مۇراجايدىڭ بەت-بەينەسىن وڭ باعىتتا وزگەرتتى, ابدەن وڭدەندىردى. قوستانايلىق قۇرىلىسشىلار عيماراتتىڭ ءبىرىنشى جانە ەكىنشى قاباتتارىن تۇگەلدەي دەرلىك جاڭا ۇلگىدە جوندەدى. الماتى قالاسىنداعى امانجول نايمانباي باسقاراتىن «ەتنوديزاين-2030» جاۋاپكەرشىلىگى شەكتەۋلى سەرىكتەستىگىنىڭ ماماندارى, سۋرەتشى-ديزاينەرلەر ديوراممالاردىڭ سانىن كوبەيتتى. جانە ونىڭ بارلىعى دا ۇلى ۇستازدىڭ شىنايى شىعارمالارىمەن, سونداي-اق سالماقتى, ويلى, تاعىلىمدى سوزدەرىمەن تىكەلەي بايلانىستىرىلدى. مۇراجاي ديرەكتورى, بەلگىلى اقىن, فيلولوگيا عىلىمدارىنىڭ كانديداتى ناعاشىباي مۇقاتوۆ. قازىرگى تاڭدا مۇراجايدا وبلىستىق مادەنيەت باسقارماسى بەكىتكەن جوسپارلارعا سايكەس, بۇقارالىق سيپاتتاعى مادەني-كوپشىلىك شارالار, كورمەلەر, دارىستەر ءجيى وتكىزىلسە, وعان قاتىسۋعا نيەت بىلدىرگەن زيالى قاۋىم, ستۋدەنتتەر, وقۋشىلار سانى دا الدەقايدا كوبەيە ءتۇستى.
«ەگەمەن-اقپارات».