قازاقستانداعى كولىك جانە لوگيستيكالىق ونەركاسىپ شىعىندارى 300 ملرد تەڭگەدەن اسىپ وتىر. بۇگىندە 570-كە جۋىق كولىك-لوگيستيكالىق كومپانيالار مەن قاۋىمداستىقتاردى بىرىكتىرىپ وتىرعان «KAZLOGISTICS» قازاقستان كولىك وداعىنىڭ مالىمەتتەرى بويىنشا اعىمداعى جىلدىڭ ءۇش ايىندا قازاقستانداعى بارلىق كولىك تۇرلەرىمەن جۇك تاسىمالداۋ كولەمى 843,9 ملن توننانى قۇراعان.
كورسەتكىش وتكەن جىلدىڭ سايكەس كەزەڭىمەن سالىستىرعاندا 3,4%-عا تومەن. ال جۇك اينالىمى وتكەن جىلعى وسى مەرزىممەن سالىستىرعاندا 1,4% تومەندەپ, 137,5 ملرد تەڭگەنى قۇراپ وتىر.
بۇگىندە الەمدىك نارىقتاعى قازاقستاننىڭ كولىك-لوگيستيكالىق ىقپالداستىعىن جۇزەگە اسىرىپ ءارى يننوۆاتسيالاردى ەنگىزۋ, ايماقتاعى مۋلتيمودالدى ترانسپورتتى داماتۋعا ىقپال ەتىپ وتىرعان «KAZLOGISTICS» مالىمەتتەرى سونىمەن قاتار بيىلعى جىلدىڭ ءبىرىنشى توقسانىندا 5386,6 ملن جولاۋشى تاسىمالدانعانىن كورسەتەدى. كورسەتكىش وتكەن جىلمەن سالىستىرعاندا 2,4% تومەن. جولاۋشى اينالىمى 65,4 ملرد قۇراپ, وتكەن جىلعى وسى كەزەڭمەن سالىستىرعاندا 4,1% از.
ناتيجەسىندە ترانسپورت جانە قويما شارۋاشىلىعىنداعى ءجىو 1%-عا تومەندەپ, شامامەن 5472996,51 ملن تەڭگەنى قۇراپ, سايكەسىنشە كاسىپورىنداردىڭ دا كىرىسى دە ايتارلىقتاي ازايادى, دەلىنگەن اقپاراتتىق مالىمدەمەدە.