نۇر-سۇلتان قالاسى اۋەجايىنىڭ باس بۋحگالتەرى 1,7 ملرد تەڭگەنى جىمقىرۋ كۇدىگىنە ىلىكتى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ اپپارات باسشىسى قۋانىش جاپاقوۆ مالىمدەدى.
- «استانا» حالىقارالىق اۋەجايى» اق باس بۋحگالتەرىنە قاتىستى جاسالعان ەكى قىلمىس بويىنشا تەرگەۋ اياقتالدى. ءبىرىنشىسى - قارجى-شارۋاشىلىق قىزمەتكە تەكسەرىس جۇرگىزبەۋ ءۇشىن نۇر-سۇلتان قالاسىنىڭ سىبايلاس جەمقورلىققا قارسى قىزمەتىنىڭ لاۋازىمدى تۇلعالارىنا 16 ملن تەڭگە سوماسىندا پارا بەرۋ فاكتىسى بويىنشا. ەكىنشىسى - جۇمىستى ناقتى ورىنداماستان, 30-دان استام كومپانيانىڭ ەسەپشوتتارىنا اۋدارۋ ارقىلى اۋەجايدىڭ 1,7 ملرد تەڭگە سوماسىنداعى قاراجاتىن جىمقىرۋ فاكتىسىنە قاتىستى, - دەدى قۋانىش جاپاقوۆ.
ونىڭ ايتۋىنشا, اتالعان ءىس بويىنشا ءىس-ارەكەتى ۇقىپسىزدىق رەتىندە تانىلعان «استانا» حالىقارالىق اۋەجايى» اق بۇرىنعى باسقارما توراعاسىنا قاتىستى ءىس سوتقا بەرىلدى.