كەشە قايرات ءماميدىڭ توراعالىق ەتۋىمەن قازاقستان رەسپۋبليكاسى پارلامەنتى سەناتىنىڭ بيۋرو وتىرىسى بولدى. وندا قازاقستان رەسپۋبليكاسى پرەزيدەنتىنىڭ تاۋەلسىز مەملەكەتتەر دوستاستىعى ەكونوميكالىق سوتىنىڭ سۋدياسىن بوساتۋعا جانە سايلاۋعا ۇسىنۋى تۋرالى ماسەلەنى تالقىلاۋ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنە بەرىلدى.
كەشە قايرات ءماميدىڭ توراعالىق ەتۋىمەن قازاقستان رەسپۋبليكاسى پارلامەنتى سەناتىنىڭ بيۋرو وتىرىسى بولدى. وندا قازاقستان رەسپۋبليكاسى پرەزيدەنتىنىڭ تاۋەلسىز مەملەكەتتەر دوستاستىعى ەكونوميكالىق سوتىنىڭ سۋدياسىن بوساتۋعا جانە سايلاۋعا ۇسىنۋى تۋرالى ماسەلەنى تالقىلاۋ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنە بەرىلدى.
بيۋرودا, سونداي-اق, قازاقستان رەسپۋبليكاسى پارلامەنتى سەناتىنىڭ 2013 جىلعا ارنالعان نەگىزگى شارالار جوسپارىنا وزگەرىستەر مەن تولىقتىرۋلار ەنگىزىلدى.
ودان باسقا, پالاتانىڭ بيىلعى 12 قىركۇيەكتە بولاتىن وتىرىسىنىڭ كۇن تارتىبىنە ۇسىنىستار قارالدى. وتىرىستا قازاقستان رەسپۋبليكاسىنىڭ ۇكىمەتى مەن بىرىككەن اراب امىرلىكتەرىنىڭ ۇكىمەتى اراسىنداعى تابىسقا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كونۆەنتسيانى جانە وعان حاتتامانى راتيفيكاتسيالاۋ تۋرالى زاڭ جوباسى تالقىلاناتىن بولدى.
بۇدان بىلاي سەنات وتىرىستارىن ون-لاين رەجىمدە ترانسلياتسيالاۋ كوزدەلۋدە. ال كەلەشەكتە پالاتا تۇراقتى كوميتەتتەرىنىڭ كەڭەيتىلگەن وتىرىستارىن دا كورسەتۋ قولعا الىنادى, دەپ حابارلادى وسى پالاتانىڭ ءباسپاسوز قىزمەتى.