اقتوبە قالاسى كارانتينگە جابىلسا دا, حالىققا قىزمەت كورسەتۋدى توقتاتپاعان قۇرىلىمدار مەن مەكەمەلەر دە بار. «بانكتسەنتركرەديت» پەن «كازپوچتا» اق-نىڭ اقتوبە وبلىسى بويىنشا فيليالدارى سولاردىڭ قاتارىندا تۇر.
اتالعان قوس مەكەمە ماماندارىنىڭ كارانتين جاعدايىندا جۇمىس ىستەۋگە ءبىرشاما توسەلىپ قالعاندارى بايقالادى. كوزىمىز كورگەن كورىنىس: مۇندا ءبىرىنشى كەزەكتە تۇتىنۋشىلار مەن قىزمەتكەرلەر اراسىندا بەلگىلى ءبىر الشاقتىق ساقتالۋىنا ءمان بەرىلگەن ەكەن. زالالسىزداندىرۋ قۇرىلعىلارى مەن قوندىرعىلارى دا توتەنشە جاعداي تالاپتارىنا سايكەس پايدالانىلىپ جۇرگەنىن اڭعاردىق. جوعارى قۇزىرلى ورگانداردان بەرىلگەن تاپسىرمالارعا سايكەس اتالعان مەكەمەلەردە قىزمەت تۇرلەرىنىڭ 90 پايىزىن ونلاين رەجيمى بويىنشا كورسەتۋ تارتىپتەرى قولعا الىنعان. ولاردىڭ قىزمەتىنە جۇگىنەتىن تۇرعىندارىڭ بەلگىلى ءبىر بولىگىن زەينەت جاسىنداعى ادامدار قۇرايدى. ولاردىڭ ءبارى بىردەي سايتپەن جۇمىس ىستەۋدى نەمەسە موبيلدىك قوسىمشالاردى پايدالانۋ داعدىلارىن بىلمەۋى نەمەسە يگەرمەۋى ابدەن مۇمكىن. بۇل رەتتە اتالعان فيليال ماماندارىنىڭ ونى جاسى ۇلعايعان ادامدارعا تۇسىندىرۋگە جانە ۇيرەتۋگە دەن قويۋلارى دا قۇپتارلىق ماسەلە.
مۇنان كەيىنگى كەزەكتە egemen.kz ءتىلشىسىنىڭ باعىت-باعدارى وبلىس ورتالىعىنداعى «الماتى» كوتەرمە ساۋدا بازارىنا قاراي ويىستى. اۋەلگىدە اتالعان ساۋدا ورنى كارانتين كەزىندە نەگە اشىق تۇر دەگەن ويدا قالعان ەدىك. جوق, كەرىسىنشە بازار بۇعان دەيىن جابىلىپ, ءوڭىر باسشىسىنىڭ كەلىسىمىنە سايكەس كۇنى كەشە قايتادان اشىلىپ, جۇمىس ىستەۋىنە رۇقسات بەرىلىپتى. ويتكەنى بازار قوجايىندارى مەن قىزمەتشىلەرى كارانتين كەزىندە قويىلاتىن قاۋىپسىزدىك پەن ساقتاندىرۋ شارالارىن جانە سانيتارلىق-ەپيدەميولوگيالىق تالاپتاردى مۇقيات ساقتاۋ جونىندە وزدەرىنە جاۋاپتى مىندەت العان كورىنەدى. بۇگىنگى كۇنى ونىڭ ورىندالۋى جونىندەگى ماسەلەگە سىن تاعا الماعان جايىمىز بار. بۇلاي دەۋىمىزدىڭ باستى سەبەبى – ءتيىستى تەكسەرۋلەر جۇرگىزىلگەن كەزدە بۇدان شيكىلىكتەر شىقپاعان. «الماتى» كوتەرمە ساۋدا بازارىنا ء بىرىنشى كەزەكتە پايدالاناتىن ازىق-ت ۇلىك تاۋارلارىن ساتۋعا رۇقسات بەرىلىپ, ولار وسى تاپسىرما ۇدەسىنەن شىعا بىلۋگە ۇمتىلىس جاساپ جۇگەندەرى ايقىن كورىندى.
وسىنداي وڭ پىكىردى ء«اليا-centr» بازارى يەلەرىنە قاتىستى دا ايتۋعا بولاتىن سەكىلدى. اتاپ ايتقاندا, ساۋدا ورنى قاجەتتى انتيسەپتيكالىق زالاسىزداندىرۋ قۇرالدارىمەن قامتىلعان. ساتۋشىلار ءوز قىزمەتتەرىن مەديتسينالىق بەتپەردەلەر مەن قولعاپ كيگەن جاعدايدا جۇرگىزۋى جولعا قويىلعان.
ارينە, بۇل ايتىلعاندارعا قاراپ اقتوبە قالاسىندا كارانتين كەزىندە قىزمەت كورسەتىپ جۇرگەن مەكەمە ۇيىمدارىنىڭ ءبارى بىردەي بەلگىلەنگەن ەرەجەلەر مەن قويىلعان تالاپتاردى ورىنداپ ءجۇر ەكەن دەسەك ۇشقارىلىققا ۇرىنار ەدىك. اشىعىن ايتقاندا, ونى بەلدەن باسىپ جۇرگەن مەكەمەلەر دە بار بولىپ شىقتى. ايتالىق, «اۆتوتەحتسەنتر» جشس كولىك جوندەۋ ورتالىعى مەن «Dciti» كولىك جۋ ورىندارىندا جۇمىس الۋشىلاردىڭ مەديتسينالىق پەردەسىز ءجۇرۋ كورىنىستەرى كەزدەسىپ وتىر. سونداي-اق اتالعان ورتالىق يەلەرى ءتيىستى زالاسىزداندىرۋ قۇرىلعىلارىن الۋعا دا ءمان بەرە قويماپتى. ەندەشە اقتوبە وبلىسىنىڭ باس سانيتارلىق دارىگەرى نۇرسۇلۋ بەركىمباەۆا الداعى ۋاقىتتا مۇنداي ولقىلىقتاردىڭ ورىن الماۋىن نازاردا ۇستاي بىلسە يگى.