سوڭعى تاۋلىكتە قىزىلوردادا ىندەتكە شالدىقاندار قاتارى تاعى 8 ادامعا ءوسىپ, ناۋقاستاردىڭ جالپى سانى 132 ادام بولدى. بۇل تۋرالى وڭىرلىك كوممۋنيكاتسيا قىزمەتى الاڭىندا بريفينگ وتكىزگەن وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدىسامەتوۆ حابارلادى.
- جاڭادان انىقتالىپ وتىرعان 8 ناۋقاستىڭ التاۋى قىزىلوردا قالاسىندا, بىرەۋى جاڭاقورعاندا, تاعى ءبىرى قازالى اۋدانىندا تىركەلگەن. جاڭاقورعاندىق وسىعان دەيىن ىندەتكە شالدىققان اداممەن قارىم-قاتىناس جاساعاندار قاتارىندا باقىلاۋدا بولعان. ال قازالى اۋدانىنىڭ تۇرعىنى پويىز جولسەرىگى بولىپ شىقتى, – دەدى جاقسىلىق ابىلقاسىم ۇلى.
باسقارما باسشىسى تۇرعىنداردىڭ ءالى دە كارانتين تالابىنا تولىق مويىنسۇنباي وتىرعانىن اتاپ ءوتتى. مىسالى, شەكتەۋ شارالارىنا قاراماستان 30 ناۋرىز كۇنى وبلىس ورتالىعىندا كىشىگىرىم شارا وتكەن. بۇگىن تىركەلىپ وتىرعان 6 ناۋقاس تا سول شاراعا قاتىسقاندار اراسىنان انىقتالىپ وتىر.