كوروناۆيرۋس پاندەمياسىنا بايلانىستى قازاقستاندىق جوعارى وقۋ ورىندارى قاشىقتىقتان وقىتۋ جۇيەسىنە كوشكەنى بەلگىلى. وسى ورايدا ءال-فارابي اتىنداعى قازۇۋ ستۋدەنتتەرى كارانتين كەزىندە وي-ورىستەرىن كەڭەيتىپ, كىتاپ وقىپ, بىلىمدەرىن تولىقتىرۋدىقاشىقتان جالعاستىرۋدا.
ۋنيۆەرسيتەت رەكتورى ع.مۇتانوۆتىڭ باستاماسىمەن قولعا الىنعان «قازۇۋ ستۋدەنتى وقۋى ءتيىس 100 كىتاپ» جوباسى ەرەكشە مانگە يە بولىپ, ستۋدەنتتەردىڭ قىزىعۋشىلىعىن تۋعىزۋدا.
جۋىردا قر ءبىلىم جانە عىلىم ءمينيسترى اسحات ايماعامبەتوۆ قازاقستاندىق اتا-انالاردى بالالارىنكىتاپ وقۋعا باۋلۋعا شاقىرعانى بەلگىلى. وسى ورايدا «100 كىتاپ» جوباسىن بىرنەشە جىل بويى تابىستى جۇزەگە اسىرىپ كەلە جاتقان ءال-فارابي اتىنداعى قازۇۋ-دىڭ ستۋدەنتتەرى بۇل ۇندەۋگە قولداۋ ءبىلدىرىپ, ارى قاراي جالعاستىرۋدى قولعا الدى. kaznu.kzمالىمەتتەرىنە سۇيەنسەك, ۋنيۆەرسيتەت ستۋدەنتتەر وقۋعا ءتيىستى ءجۇز كىتاپقا كلاسسيكالىق الەمدىك تۋىندىلار مەن ۇلتتىق ادەبيەتتىڭ ەڭ ۇزدىك ءتىزىمىن ۇسىنىپ وتىر. سوندىقتان دا ءاربىر ستۋدەنت ۋاقىتتى ۇتىمدى پايدالانۋ كەرەكتىگى مەن ونىڭ ەڭ جاقسى ءتاسىلى – كىتاپ وقۋ ارقىلى ءوزىن-ءوزى دامىتۋ جانە تاربيەلەۋگە ينۆەستيتسيالاۋ ەكەندىگىن ءتۇسىنۋى قاجەت.
«100 كىتاپ», «اينالاڭدى نۇرلاندىر» سىندى ۋنيۆەرسيتەتتىك جوبالار جاستاردىڭ ازاماتتىق جانە رۋحاني-ادامگەرشىلىك تاربيەسىنە ۇلكەن ۇلەس قوسۋدا. كىتاپ وقۋدى تانىمال ەتۋ ماقساتىندا فاكۋلتەتتەردە كۋراتورلىق ساعاتتار, ادەبي كەزدەسۋلەر مەن شىعارمالاردىڭ تانىمال اۆتورلارىمەن ارنايى كەشتەر ونلاين رەجيمدە وتۋدە. ەڭ بەلسەندى ستۋدەنتتەر «جىل وقىرمانى» بايقاۋىنا قاتىساتىن بولادى.
بوس ۋاقىتىن جاقسى كىتاپتار مەن مازمۇندى جانە ساپالى ادەبيەتتەردى وقۋعا ارناي وتىرىپ, قازۇۋ ستۋدەنتتەرى كاسىبي جانە رۋحاني-ادامگەرشىلىكتى قالىپتاستىرۋعا اتسالىسۋدا.