«تاقتار ويىنى» سەريالىندا تورمۋندتىڭ رولىمەن تانىلعان كريستوفەر حيۆيۋ مەن ايەلى COVID-19 ۆيرۋسىنان ايىقتى. اكتەر وزىنە قولداۋ كورسەتكەن بارلىق جاقىندارى مەن فاناتتارىنا Instagram ارقىلى العىس ايتتى.
– ءبىز ينفەكتسيادان تولىق ايىقتىق. بىرنەشە اپتا قابىلداعان ەم جاقسى ناتيجە بەردى, قازىر ءوزىمىزدى جايلى سەزىنەمىز. قولداۋ كورسەتكەندەرىڭىز بارشاڭىزعا زور العىس. كورونوۆيرۋستىڭ سالدارىنان جاقىندارىنان ايىرىلعان جاندارعا كوڭىل ايتامىز, – دەدى اكتەر.
كريستوفەر حيۆيۋ «تاقتار ويىنىنان» بولەك «فورساج» فرانشيزاسىندا ماڭىزدى رولدەردىڭ ءبىرىن سومداعانىن ايتا كەتۋ كەرەك. ول «ۆەدماك» سەريالىنىڭ ەكىنشى ماۋسىمىنا ءتۇسىپ جاتقاندا ءوزىن جايسىز سەزىنىپ, كەيىن ۆيرۋس جۇقتىرعانى انىقتالعان بولاتىن.