گۋمانيتارلىق سالادا جۇمىس ىستەيتىن 50-دەن استام ۇيىمنىڭ, سونىڭ ىشىندە ددسۇ, بۇۇ بالالار قورىنىڭ, بۇۇ بوسقىندار ءىسى جونىندەگى جوعارعى كوميسسارى كەڭەسىنىڭ, قىزىل كرەست جانە قىزىل جارتى اي حالىقارالىق ۇيىمدارىنىڭ جانە «بالالاردى قۇتقارۋ» فەدەراتسياسىنىڭ ىنتىماقتاستىعى ء«سىز مەنىڭ كەيىپكەرىمسىز: بالالار COVID-19 قالاي كۇرەسەدى» كىتابىن جارىققا شىعاردى.
كىتاپتا اريو اتتى فانتاستيكالىق كەيىپكەر بالانىڭ, سونداي-اق ونىڭ وتباسىن, دوستارىن كوروناۆيرۋستان قالاي قورعاي الاتىندىعى جانە دە وزگەرمەلى ورتادا الاڭداۋشىلىقتان قالاي ارىلۋعا بولاتىندىعى تۋرالى ايتىلادى.
كىتاپ نەگىزىنەن 6 مەن 11 جاس ارالىعىنداعى بالالارعا ارنالعان. توتەنشە جاعدايلار كەزىندەگى پسيحيكالىق دەنساۋلىق جانە پسيحوالەۋمەتتىك قولداۋ جونىندەگى ۆەدومستۆوارالىق تۇراقتى كوميتەتتىڭ جوبالىق توپ قۇرامىندا - بۇۇ اگەنتتىكتەرى, حالىقارالىق ۇكىمەتتىك ەمەس ۇيىمدار مەن حالىقارالىق ينستيتۋتتار اراسىنداعى ىنتىماقتاستىق جولعا قويىلعان.
جوبانىڭ بارىسىندا الەمنىڭ ءارتۇرلى ەلىنەن 1700-دەن استام بالاعا, اتا-انالارعا, تاربيەشىلەر مەن مۇعالىمدەرگە ولاردىڭ COVID-19 پاندەمياسى تۇسىندا قالاي ءومىر سۇرەتىندىگى تۋرالى پىكىر الماسۋعا تۋرا كەلگەن. ءماتىننىڭ اۆتورى جانە يلليۋستراتور حەلەن پاتريك جانە قوسىمشا اۆتورلار وسى الاڭنان جينالعان قۇندى پىكىرلەر, كىتاپتىڭ سيۋجەتى مەن يدەيالىق مازمۇنى وتباسىلارداعى جانە الەمنىڭ تۇپكىرىندەگى بالالاردىڭ اراسىندا بايلانىستىڭ ايىرماشىلىعىن انىقتاۋعا مۇمكىندىك بەرەتىندىگىن ايتادى.
الەمنىڭ كوپتەگەن تىلدەرىنە اۋدارىلعان كىتاپتى ينتەرنەتەن, سونىمەن قاتار اۋديو كىتاپ تۇرىندە وقۋعا بولادى.