سىر وڭىرىندە قاتەرلى دەرتتەن ايىققانداردىڭ قاتارى تاعى 2 ادامعا ارتتى. بۇگىن قىزىلوردا وبلىستىق جۇقپالى اۋرۋلار اۋرۋحاناسى قىزمەتكەرلەرى ولاردى ۇيىنە شىعاردى.
بۇل ەكەۋى دە قاۋىپتىلىك دەڭگەيى 1 «ب» كاتەگورياسىنا جاتقىزىلعان ەلدەن كەلگەن ازاماتتار. دارىگەرلەر ولاردى دەر كەزىندە باقىلاۋعا الىپ, كوروناۆيرۋس انىقتالعان سوڭ حاتتاماعا سايكەس ەم جۇرگىزىلگەن.
ەم اياقتالعاننان كەيىن قايتالاما زەرتحانالىق تالدامالارى الىنىپ, ەكەۋى دە اۋرۋحانادان شىعارىلدى. ولار ەندى 14 كۇن ايماقتىق ەمحانانىڭ باقىلاۋىندا بولادى.
سوڭعى مالىمەت بويىنشا وبلىس كوروناۆيرۋس ينفەكتسياسىن جۇقتىرعاندار سانى 126-عا جەتىپ وتىر. ونىڭ تورتەۋى جازىلىپ شىقتى.