2020 جىلعى قاڭتار-اقپان ايلارىندا ەلىمىزدە 149938 جەڭىل اۆتوموبيل تىركەلگەن. بۇل تۋرالى ستاتيستيكا كوميتەتىنىڭ ءباسپاسوز قىزمەتى حابارلادى.
بۇل وتكەن جىلعى ءتيىستى كەزەڭمەن سالىستىرعاندا 2,5%-عا كەم. قازاقستان رەسپۋبليكاسىندا 2020 جىلعى 1 ناۋرىزداعى جاعداي بويىنشا تىركەلگەن جەڭىل اۆتوموبيلدەردىڭ سانى 3862,7 مىڭ بىرلىكتى قۇرادى.
اعىمداعى جىلعى قاڭتار-اقپاندا 2666 ادام زارداپ شەككەن 1893 جول-كولىك وقيعاسى تىركەلدى. وتكەن جىلعى ءتيىستى كەزەڭمەن سالىستىرعاندا اپاتتىلىق 6,1%-عا ۇلعايدى.
2020 جىلعى 1 ناۋرىزداعى جاعداي بويىنشا ساقتاندىرۋ ۇيىمدارى كولىك قۇرالدارى يەلەرىنىڭ ازاماتتىق-قۇقىقتىق جاۋاپكەرشىلىكتى مىندەتتى ساقتاندىرۋ بويىنشا 5,4 ملرد تەڭگە سوماسىنا 13618 ساقتاندىرۋ تولەمىن جۇزەگە اسىردى.