قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتى ماماندارى «اقمەشىت – ادالدىق الاڭى» مونيتورينگتىك توبى مۇشەلەرىمەن بىرلەسىپ, مەملەكەتتىك ساتىپ الۋ راسىمدەرىن باقىلاۋدا.
ونىڭ بارىسىندا بىرقاتار مەملەكەتتىك ورگاندار مەن كۆازيمەملەكەتتىك سەكتور سۋبەكتىلەرىنىڭ 2020 جىلعا ارنالعان مەملەكەتتىك ساتىپ الۋ جوسپارىندا ساتىپ الىناتىن تاۋار قۇنى ءىشىنارا نارىق باعاسىنان كوتەرىڭكى ەكەندىگى انىقتالدى. ساتىپ الۋ باعاسىن اسىرىپ جىبەرگەن مەكەمەلەرگە ءتيىستى ۇسىنىمدار جولدانىپ, ول بويىنشا شارالار قابىلداندى.
– ناتيجەسىندە, وسى جىلى ساتىپ الۋى جوسپارلانعان تاۋارلار باعاسىنان شامامەن 91,5 ملن تەڭگە ۇنەمدەلىپ وتىر. كەيبىر ۇسىنىم بەرىلگەن مەكەمە مەن ۇيىمدار ءوز جاۋاپتارىندا جوسپارلاۋ بارىسىندا تەحنيكالىق قاتەلەردىڭ ورىن العاندىعىن جانە جوسپاردى قايتا قاراپ, ءتيىستى وزگەرىس ەنگىزگەندەرىن نەمەسە ءتيىستى ساتىپ الۋ راسىمدەرى وتكىزىلگەندىگىن, الداعى ۋاقىتتا جوسپارلى باعانىڭ نارىق باعاسىنان اسىرماۋ ماقساتىندا ناقتى شارالار قابىلدايتىندىقتارىن حابارلادى, – دەيدى قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى قىزىلوردا وبلىسى بويىنشا دەپارتامەنتىنىڭ باس مامانى مۇرات ىسقاقوۆ.
ماسەلەن, جالاعاش كەنتى اكىمىنىڭ اپپاراتىنا قاراستى №19 ساناتوريالىق – باقشا مەكەمەسى توسەك جايالىقتارىنىڭ 1 جيناعىن 647 500 تەڭگەگە الۋدى جوسپارلاعان. ۇسىنىم بەرىلگەننەن كەيىن تەحنيكالىق قاتەلىكتەر جوندەلىپ, جوسپارلانعان تاۋار سانى 162-گە كوبەيتىلىپ, قايتا وزگەرتىلدى.
تاعى ءبىر مىسال, قازالى اۋدانىنىڭ ءبىلىم بولىمىنە مەملەكەتتىك ساتىپ الۋدىڭ جىلدىق جوسپاردىڭ بولىكتەرىندەگى ەمال بوياۋىن الۋعا جوسپارلاعان 12,4 ملن تەڭگە باعا ۇسىنىستارى بويىنشا نارىق باعاسىنان جوعارى ەكەندىگى ەسكەرتىلىپتى. كوپ كەشىكپەي ءبولىم 7,4 ملن تەڭگە ۇنەمدەلگەندىگىن حابارلادى.
بىرلەسكەن ءىستىڭ ناتيجەسىندە, وبلىس اكىمدىگى ءىس باسقارماسىنىڭ جىلدىق جوسپارىندا كومپيۋتەرلىك تەحنيكالارعا قارالعان قارجىدان 78,5 ملن تەڭگە ۇنەمدەلدى.
مەملەكەتتىك ساتىپ الۋ جوسپارلارىندا نارىق باعاسىنان اسا الشاقتىقتى بولدىرماۋ, سونىمەن قاتار بولىنگەن قاراجاتتىن ماقساتتى جۇمسالۋىن قامتاماسىز ەتۋدە وسىنداي مونيتورينگتەردىڭ تيىمدىلىگى كوپ.
سونداي – اق قاراجاتتىڭ ءتيىمدى جۇمسالۋىنا تالداۋ جۇرگىزۋگە قوعام مۇشەلەرى دە ۇلەس قوسا الادى.