اتىراۋ وبلىسىنداعى «تەڭىز» كەنىشىندە كوروناۆيرۋس ينفەكتسياسىنىڭ تىركەلۋىنە بايلانىستى مۇنداعى جۇمىس اۋقىمى دا, جۇمىسشىلار سانى دا ازايادى. «تەڭىزشەۆرويل» جشس-ءنىڭ ۇكىمەتپەن جانە قوعاممەن بايلانىس جونىندەگى ءبولىمنىڭ باس مەنەدجەرى رزابەك ارتىعاليەۆتىڭ حابارلاۋىنشا, بۇل شارا قاۋىپتى ىندەتتىڭ تارالۋىن ودان ءارى بولدىرماۋ, ادامداردىڭ دەنساۋلىعىن ساقتاۋ ماقساتىندا قولعا الىنىپ وتىر.
– «تەڭىزشەۆرويل» مەردىگەر كاسىپورىندارمەن جانە مەملەكەتتىك ورگاندارمەن بىرگە «تەڭىز» كەن ورنىنان تىكەلەي وندىرىسكە قاتىستى ەمەس پەرسونالدى شىعارۋدى جالعاستىرىپ جاتىر. الداعى بىرنەشە اپتادا وندىرىستىك قىزمەتىنىڭ اۋقىمىن دا, جۇمىسشىلار سانىن دا كەزەڭ-كەزەڭمەن ازايتۋ جوسپارلانىپ وتىر. بۇل بازالىق وندىرىستىك قۇرىلىمدى دا, كەلەشەك كەڭەيۋ جوباسىن دا قامتيدى. بازالىق وندىرىسكە قاتىستى بارلىق قۇرىلىس جۇمىسى ۋاقىتشا توقتايدى. ال, كەلەشەك كەڭەيۋ جوباسىندا تەك ماڭىزدى جۇمىستار اتقارىلا بەرەدى, -دەدى رزابەك ارتىعاليەۆ.
ونىڭ ايتۋىنشا, قازىر كەن ورنىنان اتىراۋ وبلىسىنىڭ 700-گە جۋىق تۇرعىنى شىعارىلعان. جۇمىسشىلاردى كەن ورنىنان شىعارۋ الداعى 3-4 اپتادا دا جۇرگىزۋ كوزدەلىپتى.
–جۇمىسى توقتاتىلعان مەردىگەر كاسىپورىندارعا جۇمىسشىلاردىڭ بوس مەزگىلدەگى جالاقىسىن ساقتاۋ جونىندە كەڭەس بەرىلدى. الايدا, وتەماقىعا قاتىستى ماسەلەنىڭ ءبارى قر ەڭبەك كودەكسىنە سايكەس قارالۋى ءتيىس, -دەدى «تەڭىزشەۆرويل» جشس-ءنىڭ ۇكىمەتپەن جانە قوعاممەن بايلانىس جونىندەگى ءبولىمنىڭ باس مەنەدجەرى رزابەك ارتىعاليەۆ.
جۇماسات عازيز