Covid-19 ينفەكتسياسىنىڭ تارالۋىنا جول بەرمەۋ ماقساتىندا ەلىمىزدە جاريالانعان توتەنشە جاعداي اياسىندا جۇرگىزىلگەن رەيد ناتيجەسىندە 2020 جىلدىڭ 16-ناۋرىزىنان باستاپ 129 كولىك رەجيمدى بۇزعانى ءۇشىن كولىك تۇراعىنا ورنالاستىرىلدى. بۇل تۋرالى ماڭعىستاۋ وبلىسىنىڭ قوعامدىق كوممۋنيكاتسيا ورتالىعى حابارلادى.
وبلىستا كارانتين باستالعاننان بەرى 224 ادام اكىمشىلىك جاۋاپكەرشىلىككە تارتىلىپ, ونىڭ ىشىندە 41-ءى قاماۋعا الىندى, 31 تۇلعاعا ايىپپۇل سالىنعان.
سونداي-اق, شەكتىك ۋاقىتتان كەيىن كوشەدە سەبەپسىز جۇرگەنى ءۇشىن 84 ادام قر اكىمشىلىك جاۋاپكەرشىلىككە تارتىلدى. ناتيجەسىندە بىرەۋى قاماۋعا الىنىپ, 23 ادامعا ايىپپۇل سالىندى.
بۇگىنگى تاڭدا پوليتسيا بولىمشەسىنىڭ بارلىق قىزمەتكەرلەرى جاياۋ جانە جول-پاترۋلدىك جۇمىستارعا جۇمىلدىرىلدى. ۇلتتىق گۆارديا اسكەرلەرى تۇرعىندارعا ۇيدە بولۋ قاجەتتىلىگى تۋرالى ءتۇسىندىرۋ شاراسىنا تارتىلدى. وبلىستا 8 بلوكتىق جانە 7 جىلجىمالى پوستتار ۇيىمداستىرىلدى.
ماڭعىستاۋ وبلىسى