بۇگىن الماتى قالاسى قوعامدىق دەنساۋلىق باسقارماسىنىڭ باسشىسى تىلەۋحان ابىلداەۆ باق وكىلدەرىمەن وتكەن ءباسپاسوز بريفينگىندە الدىمەن قالاداعى ەپيدەميولوگيالىق جاعدايعا توقتالا وتىرىپ, مەديتسينالىق مەكەمەلەردىڭ دارىلىك جانە قورعانۋعا كەرەكتى بۇيىمدارمەن جابدىقتالۋ بارىسىن باياندادى.
– الماتىدا بارلىق مەديتسينالىق ۇيىمدار دارىلىك زاتتارمەن جانە مەديتسينالىق ماقساتتاعى بۇيىمدارمەن تولىق كولەمدە جابدىقتالعانىن اتاپ وتكەن ءجون. قالا بويىنشا مەديتسينا قىزمەتكەرلەرىن ۆيرۋس جۇقتىرۋدان قورعاۋ ءۇشىن 3 مىڭنان استام جەكە قورعانىس قۇرالدارى بار. سونىمەن قاتار, بارلىق مەديتسينالىق ۇيىمدار دەزينفەكتسيالاۋ قۇرالدارىمەن جانە تەرىگە ارنالعان انتيسەپتيكتەرمەن قامتاماسىز ەتىلگەن. وعان رەسپۋبليكالىق بيۋدجەتتەن دا, جەرگىلىكتى بيۋدجەتتەن دا قارجى ءبولىندى.
ۇكىمەت رەزەرۆىنىڭ ءبىرىنشى ترانشىنان قالا 73 ميلليون تەڭگەدەن استام قاراجات الدى, ولارعا مەديتسينا قىزمەتكەرلەرى ءۇشىن جەكە قورعانىس قۇرالدارى جانە كوروناۆيرۋستىق ينفەكتسيامەن اۋىراتىن ناۋقاستاردى ەمدەۋگە ارنالعان دارىلىك زاتتار ساتىپ الىندى. الماتى قالاسى اكىمدىگىنىڭ رەزەرۆى ەسەبىنەن وباعا قارسى كوستيۋمدەر مەن رەسپيراتورلارعا قوسىمشا جەرگىلىكتى بيۋدجەت قاراجاتىنان 94,5 ميلليون تەڭگە ءبولىندى. سونداي-اق, دەزينفەكتسيالىق قۇرالدار ساتىپ الىندى.
سونداي-اق, ۇكىمەت رەزەرۆىنىڭ ءتورتىنشى ترانشىنان 1,3 ميلليارد تەڭگە ءبولىندى. وندا, سونداي-اق, مەديتسينا قىزمەتكەرلەرى ءۇشىن جەكە قورعانۋ قۇرالدارىن, دەزينفەكتانتتاردى, انتيسەپتيكتەر مەن كوروناۆيرۋستىق ينفەكتسيامەن اۋىراتىن ناۋقاستاردى ەمدەۋگە ارنالعان ءدارى-دارمەكتەردى جەتكىزۋگە شارتتار بەكىتىلدى.
سونىمەن قاتار, جەرگىلىكتى بيۋدجەتتەن قوسىمشا 460 ملن. تەڭگە مەديتسينا قىزمەتكەرلەرىنىڭ تۇرۋىنا جانە تاماقتانۋىنا جانە 20 ملن تەڭگە تەپلوۆيزور ساتىپ الۋعا ءبولىندى.
كوروناۆيرۋسپەن كۇرەسۋگە جۇمىلدىرىلعان دەنساۋلىق ساقتاۋ ۇيىمدارى جۇمىسكەرلەرىنىڭ جالاقىلارىنا ۇستەمەاقى تولەۋگە قاتىستى. اتاپ وتكەنىمىزدەي, تولەمدەر وسى ايدىڭ باسىندا باستالعان بولاتىن.
وسى ماقساتتارعا 1134,8 ملن تەڭگە كولەمىندە قاراجات ءبولىندى. بارلىق تولەمدەردى 3 711 ادام الادى, – دەدى الماتى قالاسى قوعامدىق دەنساۋلىق باسقارماسىنىڭ باسشىسى.
تىلەۋحان ابىلداەۆتىڭ ايتۋىنشا, قازىرگى ۋاقىتتا تولەم كەلەسى ساناتتاعى ادامدارعا جۇرگىزىلگەن:
1 تاۋەكەل توبىنا – 555 قىزمەتكەر, تولەم سوماسى – 375,1 ملن تەڭگە.
2 تاۋەكەل توبىنا – 2 283 قىزمەتكەرگە, تولەم سوماسى – 569,9 ملن تەڭگە.
3 تاۋەكەل توبىنا – 874 قىزمەتكەرگە, تولەم سوماسى – 118,3 ملن تەڭگە.
تولەمدەر سالىق كودەكسىنە سايكەس بارلىق سالىقتاردى ەسكەرە وتىرىپ, ايلىقتىق جۇمىس بالانسىنان اسپايتىن ناقتى جۇمىس ىستەگەن ۋاقىتى (كۇندەر/ساعاتتار) ءۇشىن جۇرگىزىلەدى.
بۇگىنگى كۇنى مەديتسينا قىزمەتكەرلەرىنە 1063,3 ملن تەڭگەگە تولەم جۇرگىزىلدى, بۇل 96%-دى قۇرايدى. تولەمدەر جۇرگىزۋ جالعاسۋدا.
وسى كۇننىڭ سوڭىنا دەيىن مەديتسينالىق جەدەل جاردەم قىزمەتى بويىنشا قالعان بارلىق سوما ەكى كارانتيندىك ۇيىمعا تولەنەتىن بولادى.
الماتى