بۇگىنگى كۇنى, 13 ساۋىردە الماتىدا كوروناۆيرۋستىق ينفەكتسيانى جۇقتىرۋدىڭ راستالعان 172 جاعدايى تىركەلدى.
سوڭعى تاۋلىكتە مەگاپوليستە تاعى دا 27 الماتىلىقتىڭ ىندەت جۇقتىرعانى انىقتالدى. ولاردىڭ بارلىعى دا مەديتسينا قىزمەتكەرلەرى.
ونىڭ ىشىندە 21 ايەل جانە 6 ەر ادام, ارالارىندا ءبىر جۇكتى ايەل بار. مەديتسينا قىزمەتكەرلەرىنىڭ جاي-كۇيى كەلسەك: ەكى ادامنىڭ جاي-كۇيى پوليسەگمەنتتى پنەۆمونيالارىنا بايلانىستى – اۋىر, قالعان ادامداردىڭ بارلىعىندا – قاناعاتتانارلىق دەپ باعالانۋدا.
كوروناۆيرۋس انىقتالعان 20 قىزمەتكەر شۇعىل مەديتسينالىق كومەك كورسەتۋدى جالعاستىرعان قالالىق ورتالىق كلينيكالىق اۋرۋحانانىڭ قىزمەتكەرلەرى بولىپ تابىلادى. تاعى 7 ادام بۇلار 4 ساۋىردەگى العاش رەت تاپسىرعان تەستىلەرى تەرىس ناتيجە كورسەتكەن بالالار جۇقپالى اۋرۋلار اۋرۋحاناسىنىڭ قىزمەتكەرلەرى. ادەتتە, بۇلار ءارتۇرلى پاتولوگياسى بار پاتسيەنتتەر, ولاردىڭ اراسىندا اۋرۋ بەلگىلەرى بىلىنبەگەن پاتسيەنتتەر بار بولۋى مۇمكىن, سايكەسىنشە بۇل ولاردىڭ ۆيرۋستى جۇقتىرۋىنا سەبەپ بولۋى دا مۇمكىن. اتالعان فاكتى بويىنشا قازىرگى ۋاقىتتا ەپيدەميولوگيالىق تەكسەرۋ جۇرگىزىلۋدە.
سونىمەن قاتار, مەديتسينا قىزمەتكەرلەرىن تەكسەرىپ-قاراۋ بويىنشا بارلىق شارالار قولدانىلىپ جاتقاندىعىن اتاپ وتكەن ءجون. بۇدان باسقا, بارلىق قالالىق كلينيكالاردىڭ ىشىندە قىزمەتكەرلەردى كوروناۆيرۋسقا مىندەتتى تۇردە تەكسەرىپ-قاراۋمەن ەپيدەمياعا قارسى ءىس-شارالار كۇشەيتىلدى.
قازىرگى ۋاقىتتا ينفەكتسيالىق ستاتسيوناردا جالپى 122 ادام ەمدەلۋدە.
89 ناۋقاستىڭ جاي-كۇيى – قاناعاتتانارلىق, 8 ادامدا – اۋىر, 25 ەرەسەك ادامدا (1 وبلىستىق) – اۋىرلىقتىڭ ورتاشا دارىجەسىندە. ەم الۋشىلار اراسىندا 3 جۇكتى ايەل بار.
49 ادام: 47 ەرەسەك جانە 2 بالا ساۋىعىپ شىقتى, ەكەۋى قايتىس بولدى.
پروۆيزورلىق ورتالىقتاردا 186 ادام بار, ونىڭ ىشىندە 10-ى بالا, كارانتيندىك وقشاۋلاۋدا – 426 ادام, ءۇي كارانتينىندە – 6199 ادام.
الماتى