ناۋرىز ايىندا كوروناۆيرۋسپەن كۇرەسكە تارتىلعان 243 مەديتسينا قىزمەتكەرىنە 40,2 ملن تەڭگە كولەمىندەگى العاشقى تولەمدەر جاسالدى. جالپى, ءۇش ايعا رەسپۋبليكالىق بيۋدجەتتەن, شامامەن, 314 ملن تەڭگە ءبولىندى. ودان ارى دارىگەرلەر ءساۋىر-مامىر ايلارى ءۇشىن دە قوسىمشا تولەمدەرىن الاتىن بولادى. بۇل تۋرالى ماڭعىستاۋ وبلىسى دەنساۋلىق ساقتاۋ باسقارماسىنىڭ باسپاسوز قىزمەتى حابارلادى.
ەلىمىزدە ۆيرۋستىڭ تارالۋىنا قارسى ءتيىمدى شارالاردى ازىرلەۋ, قازىرگى جاعدايدا مەديتسينالىق قىزمەتكەرلەرگە الەۋمەتتىك قولداۋ كورسەتۋ ماقساتىندا, ەپيدەمياعا قارسى شارالارعا قاتىسقان ماڭعىستاۋلىق 243 دارىگەر جالاقىعا قوسىمشا ۇستەمە الدى. ءبىرىنشى ايدا تولەمدەردىڭ جالپى سوماسى 40,2 ملن تەڭگەنى قۇرادى. اتالعان قاراجات رەسپۋبليكالىق بيۋدجەت ەسەبىنەن ءبولىندى. سونىمەن قاتار, 14 ساۋىرگە دەيىن جەدەل جاردەم قىزمەتكەرلەرى, سونداي-اق بلوك-پوست جۇمىسشىلارىنا ۇستەمە اقى تولەنەدى دەپ كۇتىلۋدە.
تولەمدەر ناقتى جۇمىس ىستەگەن ۋاقىت ءۇشىن, كوروناۆيرۋس ينفەكتسياسىمەن تىكەلەي جۇمىس ىستەيتىن ءۇش قاۋىپ توبىنا سايكەس جۇرگىزىلدى: 1-توپ «وتە جوعارى قاۋىپ» - جۇقپالى اۋرۋلار اۋرۋحانالارىنىڭ دارىگەرلەرى, ورتا جانە كىشى مەديتسينا قىزمەتكەرلەرى, سونىڭ ىشىندە رەانيماتسيا بولىمشەلەرى. بۇل تاۋەكەل توبى ءۇشىن 20 جتم (850 مىڭ تەڭگە) بەلگىلەنگەن, جۇقپالى اۋرۋلار ءبولىمىنىڭ 24 قىزمەتكەرىنە 4,8 ملن تەڭگە سوماسى تولەندى.
«جوعارى قاۋىپ» ەكىنشى توبىنا 10 جتم (425 مىڭ تەڭگە) – پروۆيزورلىق ستاتسيوناردىڭ 101 دارىگەرى, ورتا جانە كىشى مەديتسينا قىزمەتكەرلەرى 27,1 ملن تەڭگە سوماسىندا ۇستەمەاقى الدى. سونداي-اق, «ورتاشا قاۋىپ» ءۇشىنشى تاۋەكەل ساناتى بويىنشا 5 جتم (212,5 مىڭ تەڭگە) – كارانتيندىك ستاتسيوناردىڭ 118 دارىگەرى, ورتا جانە كىشى مەديتسينا قىزمەتكەرلەرى جالاقىعا 8,3 ملن تەڭگە ۇستەمەاقى الدى.
بۇگىن قوسىمشا تولەمدەر جەدەل جاردەم قىزمەتكەرلەرىنە, سونداي-اق بلوك-پوستتارداعى كارانتين رەجيمىن قامتاماسىز ەتەتىن مەديتسينالىق قىزمەتكەرلەرگە تولەنەدى.
-«سوVID-19 كوروناۆيرۋسىمەن كۇرەس شەڭبەرىندە ەپيدەمياعا قارسى ءىس-شارالارعا تارتىلعان دەنساۋلىق ساقتاۋ ۇيىمدارىنىڭ جۇمىسكەرلەرىن قارجىلىق قولداۋدىڭ كەيبىر ماسەلەلەرى تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2020 جىلعى 4 ساۋىردەگى بۇيرىعىنا سايكەس, ماڭعىستاۋ وبلىسىنا ناۋرىز ايىنا رەسپۋبليكالىق بيۋدجەتتەن سوVID-19 كورونوۆيرۋسىمەن كۇرەسۋ شەڭبەرىندە ەپيدەمياعا قارسى ءىس-شارالارعا قاتىساتىن دەنساۋلىق ساقتاۋ ۇيىمدارىنىڭ 632 قىزمەتكەرى تارتىلىپ, تاۋەكەل توپتارىنىڭ جالاقىلارىنا ۇستەمەاقى تولەۋگە 313 ملن 400 مىڭ تەڭگە قاراجات ءبولىندى. العاشقى ايى تولەندى, ەندىگى جەردە الداعى ەكى ايدا قالعان قوسىمشا تولەمدەر تولەنەتىن بولادى, دەيدى ماڭعىستاۋ وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى تاسپولاتوۆا گۇلبيبى.