ەلىمىزدەگى توتەنشە جاعدايعا بايلانىستى ونلاين رەجيمدە جۇمىس جاساۋ جولعا قويىلدى. ساباق وتكىزۋ, سەمينارلار, كونفەرەنتسيالار, بايقاۋلار, وتىرىستار ونلاين تۇرىندە قالىپتى وتۋدە. توتەنشە جاعداي تالاپتارىن قاتاڭ ورىنداپ, ارقايسىمىز سوعان مۇلتىكسىز باعىنساق, بۇل ۋاقىتشا قيىندىقتاردى جەڭىپ شىعاتىنىمىزعا سەنىمدىمىز دەپ حابارلايدى Yessenov University ءباسپاسوز قىزمەتى.
- ونلاين ساباقتار وتكىزۋ مەن جۇمىس جاساۋدىڭ ءبىر باعىتى – ستۋدەنتتەر اراسىندا ونلاين بايقاۋلار وتكىزۋ. 10 ءساۋىر كۇنى Yessenov University ستۋدەنتتەرى, كوللەدج ستۋدەنتتەرىنىڭ اراسىندا ونلاين رەجيمدە «Social Project» الەۋمەتتىك جوبالار بايقاۋى ءوتتى. وتكىزىلگەن بايقاۋ ەلباسىنىڭ «بولاشاققا باعدار: رۋحاني جاڭعىرۋ» ماقالاسىن ىسكە اسىرۋدىڭ باعىتتارىنىڭ ءبىرى ەلىمىزدەگى ءاربىر ادامنىڭ, اسىرەسە جاستاردىڭ زاماناۋي باسەكەگە قابىلەتتى بولۋىنا, ساندىق تەحنولوگيالاردى يگەرە بىلۋىنە ىقپال ەتۋگە, سونىمەن قاتار كاسىپكەرشىلىكتى جان-جاقتى دامىتۋعا, جاستار اراسىندا كەڭىنەن ناسيحاتتاۋعا باعىتتالعان. بايقاۋ ساراپشىلارى رەتىندە استانا قالاسىنان جاستار قىزمەتكەرلەرى قاۋىمداستىعى توراعاسى, جاستار ءىسى جونىندەگى ۇلتتىق ترەنەرلەر پۋلىنىڭ ترەنەرى ناۋرىزباەۆ نۇرلىباي, ماڭعىستاۋ وبلىسى جاستار رەسۋرستىق ورتالىعى ديرەكتورىنىڭ ورىنباسارى ۋرالباەۆ مۇقاش, ۋنيۆەرسيتەتتىڭ تاربيە جانە الەۋمەتتىك جۇمىس جونىندەگى پرورەكتورى گۋليماي امانيازوۆا, «كاسپي كاسىپكەرلىك ورتالىعىنىڭ» مامانى گۇلجازيرا قوسماعامبەتوۆا قاتىستى, - دەيدى «بيزنەس جانە قۇقىق» فاكۋلتەتىنىڭ دەكانى گۇلسارا دجولداسباەۆا.
فاكۋلتەت دەكانىنىڭ ايتۋىنشا, جالپى بايقاۋعا قاتىسۋعا 67 ادام تىركەلىپ, 13 جوبا الدىن-الا ساراپتالىنىپ الىنعان. بايقاۋ الدىندا جاستار قىزمەتكەرلەرى قاۋىمداستىعى توراعاسى, جاستار ءىسى جونىندەگى ۇلتتىق ترەنەرلەر پۋلىنىڭ ترەنەرى ناۋرىزباەۆ نۇرلىباي «Social Project» جوباسى تۋرالى موتيۆاتسيالىق ترەنينگ وتكىزسە, ماڭعىستاۋ وبلىسى جاستار رەسۋرستىق ورتالىعى ديرەكتورىنىڭ ورىنباسارى ۋرالباەۆ مۇقاش ماڭعىستاۋ وبلىسىنداعى ۆولونتەرلىق قىزمەتتىڭ جۇمىسى تۋرالى اقپارات بەردى.
بايقاۋ بارىسىندا Talking Book, «مەگاپوليستەگى قوقىستان تازارتۋ جۇيەسىن جاقسارتۋ», «تاكتيلنايا دوروجكي دليا نەزرياچيح», «تۋريستىك-ولكەتانۋ ورتالىعى ارقىلى ستۋدەنتتەردى پاتريوتيزمگە تاربيەلەۋ», ۆولونتەرلىقتى دامىتۋعا جانە جىلجىتۋعا ارنالعان «Happy travels», قازىرگى نارىقتا سۇرانىسقا يە جىلىجاي قۇرۋ ۇلگىسى «تازا عالامشار», «قۇم تەراپياسى», «ەكو-ءۇي تازا ەكولوگيا كەپىلى», «Fried ice-cream», «ۆوزدۋشنايا زەبرا», «پلاستيكالىق بوتەلكەلەردى قايتا وڭدەۋ جانە ءوندىرۋ» تاقىرىپتارىنداعى قىزىقتى, قورشاعان ورتانى, ەكولوگيانى ساقتاۋعا, مۇگەدەك جانە قارت ادامدارعا جاعداي جاساۋعا, قالدىقتاردى قايتا وڭدەۋگە ارنالعان الەۋمەتتىك ماڭىزدى جوبالار تالقىلاندى.
بايقاۋ قورىتىندىسى بويىنشا الچاگير الفيانىڭ «گراجدانسكايا ينيتسياتيۆا نا سەلە», نىسانباي اقبيبىنىڭ «قۇم تەراپياسى», قابدول نۇرداۋلەتتىڭ «ۆوزدۋشنايا زەبرا» جوبالارى ۇزدىك دەپ تانىلدى.
ماڭعىستاۋ وبلىسى