كوروناۆيرۋسقا شالدىققان ۇلىبريتانيانىڭ پرەمەر-ءمينيسترى بوريس دجونسون لوندونداعى سەنت-توماس اۋرۋحاناسىنان شىقتى دەپ حابارلايدى ۆۆس.
داۋنينگ-ءستريتتىڭ حابارلاۋىنشا, پرەمەر-مينيستر دارىگەرلەردىڭ كەڭەسى بويىنشا جۇمىسىنا ازىرگە ورالمايدى.
«بوريس دجونسون كورسەتكەن كومەگى ءۇشىن سەنت-توماس اۋرۋحاناسىنىڭ بارلىق قىزمەتكەرىنە العىس ايتتى» دەلىنگەن مالىمدەمەدە.
ەسكە سالا كەتەيىك, ۇلىبريتانيا پرەمەر-ءمينيسترى بوريس دجونسون 27 ناۋرىزدا ءوزىنىڭ كوروناۆيرۋس جۇقتىرعانىن راستاعان ەدى. ول سودان بەرى وقشاۋلانىپ, مەملەكەتتى ۇيىنەن باسقارا باستاعان. 6 ساۋىردە جاعدايى ناشارلاعان پرەمەر اۋرۋحاناعا جاتقىزىلدى.