بىشكەكتە 17 جاستاعى ءايسۋلۋدى ولتىردى دەگەن كۇدىككە ىلىنگەن قۇماربەك ابدىروۆ №1 تەرگەۋ يزولياتورىندا ءولى تابىلدى. ول ءوز-وزىنە قول جۇمساعان. بۇل اقپاراتتى مەملەكەتتىك جازالاردى ورىنداۋ قىزمەتى راستادى, دەپ حابارلايدى Egemen.kz.
kaktus.media-نىڭ جازۋىنشا ابدىروۆ №21 كامەرادا ءوز شالبارىن تورلى ەسىكتىڭ ىشكى بولىگىنە بايلاپ اسىلعان. العاشقى مەديتسينالىق كومەك كورسەتىلگەنىنە قاراماستان, ەر ادام وقيعا ورنىندا قايتىس بولعان. تەرگەۋ-جەدەل توبى مەن پروكۋراتۋرا وكىلدەرى وقيعا ورنىندا جۇمىس ىستەپ, سوت-مەديتسينالىق ساراپتامالار تاعايىندالدى. ابدىروۆ 2025 جىلعى 17 جەلتوقساندا ۋاقىتشا ۇستاۋ يزولياتورىنان سيزو-1-گە اۋىستىرىلعان.
سىنىپتاسىن ولتىرگەن وقۋشىعا ۇكىم شىقتى
17 جاستاعى ايسۋلۋ 2025 جىلعى 27 قىركۇيەكتە ىستىقكول وبلىسى, جەتى-وگىز اۋدانىندا جوعالىپ كەتكەن. سول كۇنى ول بارسكوون اۋىلىنان جەڭىش اۋىلىنداعى قۇربىسىنا بارا جاتقان. كەيىن بەينەباقىلاۋ كامەرالارى قىزدىڭ Honda Stream كولىگىندەگى ەر اداممەن بىرگە وتىرعانىن جازىپ العان. تەرگەۋ نۇسقاسى بويىنشا, كۇدىكتى قىزدى الما باعىنا اپارىپ, زورلىق ارەكەتىن جاساپ, كەيىن ولتىرگەن. ونىڭ دەنەسى بووم شاتقالىنان تابىلدى.
ابدىروۆ التى ايەلگە شابۋىل جاسادى دەگەن كۇدىك بار, ولاردىڭ تورتەۋى قازا تاپقان. ونىڭ ىشىندە 19 جاستاعى كاميلا دۇيشەباەۆا دا بار. قۇقىق قورعاۋ ورگاندارى قۇرباندار سانى بۇدان دا كوپ بولۋى مۇمكىن ەكەنىن جوققا شىعارمايدى.
تالدىقورعاندا ايزات جۇمانوۆانى ولتىرگەن كۇيەۋىنە ۇكىم كەسىلدى