مادەنيەت جانە سپورت مينيسترلىگىنىڭ #ONLAIN-da bol جوباسى اياسىندا ءتىل ساياساتى كوميتەتىنىڭ تاپسىرىسىمەن «شايسۇلتان شاياحمەتوۆ اتىنداعى ء«تىل-قازىنا» ۇلتتىق عىلىمي-پراكتيكالىق ورتالىعى» قازاقستان رەسپۋبليكاسىندا مەملەكەتتىك ءتىل ساياساتىن ىسكە اسىرۋدىڭ 2020-2025 جىلدارعا ارنالعان مەملەكەتتىك باعدارلاماسىنىڭ ماقساتتارى مەن مىندەتتەرىن ورىنداۋ ءۇشىن وڭىرلىك تىلدەردى دامىتۋ باسقارمالارىنىڭ باسشىلارى, تىلدەردى وقىتۋ ورتالىقتارىنىڭ ديرەكتورلارىنا ارنالعان «مەملەكەتتىك ءتىلدى جەتىلدىرۋ» تاقىرىبىندا ونلاين كۋرستارىن وتكىزەدى.
ونلاين كۋرستار 13-17 ءساۋىر ارالىعىندا وتەدى. بەس كۇنگە جوسپارلانعان ونلاين كۋرستاردا كەلەسى ماسەلەلەر ورتاعا سالىنادى:
قازاق تەرميندەرىن قالىپتاستىرۋ, ساراپتامادان وتكىزۋ, قازىرگى اقپاراتتىق تەحنولوگيالار مۇمكىندىكتەرىن پايدالانىپ تەرميندەر نۇسقالارىن تالقىلاۋعا قاشىقتان قاتىسۋ, قولدانىسقا ەنگىزۋ; بەلگىلى ءبىر سەبەپتەرمەن قازاق ءتىلىن مەڭگەرمەگەن ەرەسەك ازاماتتاردى قازاق ءتىلىن وقىتۋ ۇدەرىسىندە قازاق ءتىلىن مەڭگەرۋ دەڭگەيلەرىن باعالاۋدىڭ قازتەست جۇيەسىن پايدالانۋداعى جاڭالىقتار, وزگەرىستەر مەن قولدانىسقا ەنگىزۋ ماسەلەلەرى; قازاق ءالىپبيىن لاتىن گرافيكاسىنا كوشىرۋ ۇدەرىسىنىڭ عىلىمي نەگىزدەمەلەرى مەن عىلىمي-ۇيىمداستىرۋشىلىق مىندەتتەرىن ىسكە اسىرۋ جولدارى, ورفوگرافيالىق جۇمىس توبىنىڭ شەشىمدەرى; قازاقستان رەسپۋبليكاسىندا مەملەكەتتىك ءتىل ساياساتىن ىسكە اسىرۋدىڭ 2020-2025 جىلدارعا ارنالعان مەملەكەتتىك باعدارلاماسىنىڭ ماقساتتارى مەن مىندەتتەرىن وڭىرلەردە ىسكە اسىرۋداعى نەگىزگى ينديكاتورلار تۇسىندىرمەسى, ينديكاتورلارعا قول جەتكىزۋ جولدارى, لاتىن گرافيكاسىنا كوشۋ ۇدەرىسى, جاڭا باعدارلاماداعى باسىمدىقتار; قازاق ءتىلىن ۇيرەنۋگە ىنتالى ازاماتتارعا قازاق ءتىلىن وقىتۋدا ماشينالىق وقىتۋ نەمەسە جاساندى ينتەللەكت تەحنولوگياسى ارقىلى ءتىلدى ۇيرەتۋگە ارنالعان جاڭا پورتالدى پايدالانۋ جولدارى, پورتال ارقىلى بىرەگەي جۇيە قالىپتاستىرۋ تەتىگى, قازاق ءتىلىن ۇيرەنۋگە ءتيىمدى تەحنولوگيالار.كۋرستار بارىسىندا تىڭداۋشىلار جاڭا مەملەكەتتىك باعدارلامانىڭ مىندەتتەرىن وڭىرلەردە ىسكە اسىرۋ بويىنشا وزەكتى سۇراقتاردىڭ جاۋابىن الادى. سونىمەن قاتار, كۇندەلىكتى تۇرمىستا, الەۋمەتتىك سالالاردا قازاق ءتىلىنىڭ قولدانىس اياسىن كەڭەيتۋ تەتىكتەرىن جەتىلدىرۋ جولدارىمەن تانىسادى.
كۋرس Facebook الەمەتتىك جەلىسىنىڭ ONLINE-da bol پاراقشاسىندا ءار كۇن سايىن 11:00-12:00 ارالىعىندا تىكەلەي ەفيردە جۇرگىزىلەدى.
ەسكە سالا كەتەيىك, ء«تىل-قازىنا» ۇلتتىق عىلىمي-پراكتيكالىق ورتالىعى 30 ناۋرىز بەن 10 ءساۋىر ارالىعىندا وڭىرلىك تىلدەردى وقىتۋ ورتالىقتارىنىڭ ادىسكەرلەرى, وقىتۋشىلارى, ماگيسترانتتار مەن دوكتورانتتارعا ارنالعان «مەملەكەتتىك ءتىلدى وقىتۋ ادىستەمەسى» تاقىرىبىندا 10 كۇندىك ونلاين كۋرستار وتكىزگەن ەدى. كەزەكتى ونلاين كۋرستار وسى ءداستۇردىڭ جالعاسى ىسپەتتى بولعالى تۇر.
مىنا سىلتەمە ارقىلى: https://drive.google.com/open?id=1XOnU_kqw0gu24ae0 ونلاين كۋرستىڭ باعداراماسىن جۇكتەۋگە بولادى.