سوڭعى ونجىلدىقتا بالالار ەڭبەگىن قاناۋ كورسەتكىشتەرى ارتقان. وعان دالەل رەتىندە الەمدەگى ەڭ ءىرى كاكاو تاسىمالداۋشىسى بولىپ تابىلاتىن افريكاداعى كوت-د'يۆۋار جانە گانا پالنتاتسيالارىنداعى جاعدايدى نەگىزگە الۋعا بولادى. Reuters اقش-تىڭ ەڭبەك مينيسترلىگى قارجىلاندىرىپ وتىرعان بايانداما نەگىزىندەگى مالىمەتتەرگە سۇيەنە وتىرىپ, وتكەن ماۋسىمدا باتىس افريكا ەلدەرىندەگى پلانتاتسيالاردا 2 ميلليوننان استام بالانىڭ جۇمىسقا جەگىلگەندىگىن العا تارتادى.
مالىمەتتەر چيكاگو ۋنيۆەرسيتەتىنىڭ زارتتەۋشىلەرىمەن جينالعان. جوبا زەرتتەۋشىلەرىنىڭ مالىمەتى بويىنشا, بالالار ەڭبەگىن پايدالانۋ وسىدان ون جىل بۇرىنعى كەزەڭنەن ايتارلىقتاي وسكەن. 2013/14 جىلدارمەن (44%) سالىستىرعاندا 2018/19 جىلدارداعى كورسەتكىشتەر (46%) ۇلعايعان. اسا قاۋىپتى جۇمىستارداعى كورسەتكىشتەر 42% قۇرايدى. زەرتتەۋشىلەردىڭ پىكىرىنشە, بالالار ەڭبەگىن پايدالانۋ دەرەكتەرى كەڭ ەتەك الىپ بارادى. سوڭعى ۋاقىتتا Mars, Hershey, Nestle, Cargill كومپانيالارى بيىلعى جىلى باتىس افريكادا بالالار ەڭبەگىن پايدالانۋدى 70%-عا دەيىن قىسقارتۋعا مىندەتەمە الىپ وتىر. دەگەنمەن حالىقارالىق ۇيىمداردىڭ ارەكەتى نەگىزىندە بالالار ەڭبەگىن پايدالانۋ كورسەتكىشتەرى ەكى ەسەگە دەيىن ازايعاندىعى بايقالادى.