كوروناۆيرۋس ىندەتى سالدارىنان كارانتين جاريالانىپ, العاش رەت الەمنىڭ 165 ەلى قاشىقتان وقۋعا كوشكەنى بارشامىزعا بەلگىلى. ادامزات تاريحىندا العاش رەت دۇنيەجۇزىندە بالالاردىڭ ءومىر ءسۇرۋ داعدىسى مەن ءبىلىم بەرۋ ۇيىمى ءبىر مەزگىلدە وزگەرىپ وتىر.
قاشىقتان ءبىلىم الۋعا كوشۋ بارلىق جەردە, ءتىپتى ەكونوميكاسى دامىعان ەلدەردىڭ وزىندە دە وڭايعا سوعىپ جاتقان جوق. ويتكەنى, كومپيۋتەرلەر مەن ءبىلىم بەرۋ سالاسىنداعى اقپاراتتىق تەحنولوگيالاردىڭ جەتكىلىكسىزدىگى, ول ءۇشىن ەڭ الدىمەن قاشىقتان وقىتۋ ادىستەمەسى بولۋى, ينفراقۇرىلىمنىڭ دامۋى, پايدالانۋشىلاردىڭ جىلدام ينتەرنەتپەن قامتىلۋى, كومپيۋتەرلىك ساۋاتتىلىق جانە ت. ب. كەرەك.
ەستەرىڭىزگە سالا كەتەيىك, «كۇندەلىك» ەلەكتروندىق جۋرنالدار مەن كۇندەلىكتەر» جۇيەسى 2,9 ميلليوننان استام وقۋشىعا, 2,2 ميلليون اتا-اناعا جانە 340 مىڭ مۇعالىمگە قىزمەت كورسەتەدى.
– 16 ناۋرىزدا قاشىقتان وقىتۋعا كوشۋ تۋرالى حابارلانعاننان باستاپ, ءبىزدىڭ ۇجىم كۇنى-ءتۇنى جۇمىس ىستەدى. ءبىز قىرۋار جۇمىس اتقاردىق. قاشىقتان وقۋ جاعدايىندا جۇيەمەن جۇمىس ىستەۋ پروتسەسىن كورسەتەتىن 28 نۇسقاۋلىق پەن بەينە سيپاتتاما دايىندالدى. ەكى اپتا ىشىندە بايلانىس ارناسىن كەڭەيتۋ جانە شەكتەن تىس جوعارى جۇكتەمەنى ەڭسەرۋ ءۇشىن جۇيەگە قاجەت قوسىمشا جابدىقتى ۇسىنۋ قاجەتتىگىن ءتيىستى مەملەكەتتىك ورگاندار مەن ۇيىمدارعا جەتكىزۋمەن بولدىق. وكىنىشكە قاراي, بۇل ماڭىزدى ينفراقۇرىلىمدىق ماسەلەلەر وقۋدىڭ باستالۋىنا 2-3 كۇن قالعاندا شەشىلدى. 6 ساۋىردەگى جاعداي وسى ءىس-شارالاردىڭ بارلىعى تەككە كەتپەگەنىن كورسەتتى: kundelik.kz جۇيەسى سول كۇنى تراففيك بويىنشا قازاقستاندا YouTube جەلىسىن پايدالانۋشىلار مەن وسى جەلىگە كىرۋشىلەرمەن تەڭدەي بولدى, – دەيدى kundelik.kz كومپانياسىنىڭ ۇجىمى.
سونىمەن, قاشىقتان ءبىلىم بەرۋدىڭ العاشقى كۇنى kundelik.kz سايتىنا 2,2 ميلليوننان استام ادام كىرگەن, ولاردىڭ سايتقا كىرۋى 3,17 ملن بولسا, بەتتەر مەن ىشكى بولىمدەر بويىنشا 48,7 ملن بولدى! قازاقستانداعى ينتەرنەتتىڭ دامۋ تاريحىندا وتاندىق رەسۋرسقا تاۋلىكتىك جۇكتەمە ەشقاشان مۇنداي بولماعان شىعار. تاڭعى ساعات 9: 30-دا سايتتا ءبىر مەزگىلدە 60 مىڭ بىرەگەي پايدالانۋشى وتىردى. مۇنداي جۇكتەمە ينتەرنەت جەلىسى ناشار ۇستايتىن الىس اۋىلدارداعى پايدالانۋشىلارعا قيىندىق تۋعىزدى. 6 ءساۋىر كۇنى سايتتى پايدالانۋشىلاردىڭ شامامەن 20%-ى وسىنداي پروبلەمامەن بەتپە-بەت كەلگەن. بىراق جۇيەنىڭ جۇمىسى توقتاعان جوق.
6, 7 جانە 8 ءساۋىر كۇندەرى كومپانيانىڭ تەحنيكالىق ماماندارى تۇنگى ۋاقىتتا سەرۆەرلەر مەن دەرەكتەردى ساقتاۋ جۇيەلەرىن كەڭەيتىپ, باعدارلامالىق جاساقتاۋ جۇمىسىن جاقسارتىپ وتىردى. جۇيەگە 5 مەگابايتقا دەيىنگى فايلداردى عانا جۇكتەۋ سياقتى شەكتەۋ ەنگىزۋگە تۋرا كەلدى. ءبىزدىڭ قولداۋ كورسەتۋ قىزمەتىنە پايدالانۋشىلار جىبەرگەن وتىنىشتەردىڭ تەحنيكالىق مونيتورينگى مەن ستاتيستيكا كۇش-جىگەرىمىزدىڭ تەككە كەتپەگەنىن كورسەتىپ وتىر.
سونىمەن قاتار, قازاقستانداعى كەز كەلگەن ينتەرنەت رەسۋرس سياقتى kundelik.kz پورتالىنىڭ دا جۇمىسى قۇرىلعىلارعا, ياعني سمارتفوندار, كومپيۋتەرلەر جانە پلانشەتتەر ارقىلى كىرەتىن پايدالانۋشىلاردىڭ ينتەرنەت جىلدامدىعىنا تىكەلەي بايلانىستى ەكەنىن اتاپ وتكەن ءجون. وسىعان وراي ينتەرنەتكە قوسىلۋدى قامتاماسىز ەتۋگە جاۋاپتى ءاربىر ادام ءوزىنىڭ كاسىبي قىزمەتى دەڭگەيىندە ءسىز تۇراتىن ءوڭىر مەن ەلدى مەكەندەگى ينتەرنەتتىڭ مۇمكىندىگى مەن ناقتى جىلدامدىعىن باعالاۋى ءتيىس. ينتەرنەت جەلىسى دۇرىس بولماعانى ءۇشىن عانا اۋىلدىق ايماقتاعى مۇعالىمدەر مەن بالالار ءۇشىن قاشىقتان وقۋ قيىندىق تۋدىرماۋى ءتيىس!
– سونىمەن بىرگە, ءبىزدىڭ كومپانيانىڭ ادىسكەر ماماندارى وسى كۇندەرى ارىپتەستەرمەن جانە ۋاكىلەتتى مەملەكەتتىك ورگان وكىلدەرىمەن, جەكە كومپانيالارمەن بىرلەسە وتىرىپ, kundelik.kz ارقىلى وقۋ كونتەنتى, بەينەساباقتار جانە باسقا دا ماتەريالداردى ۇسىنۋ بويىنشا ۇزدىكسىز جۇمىس ىستەدى. جەتەكشى مەكتەپتەردىڭ مۇعالىمدەرىنە جانە الماتى قالاسى ءبىلىم دەپارتامەنتىنىڭ قىزمەتكەرلەرىنە, Daryn.Online, Opiq.kz كومپانيالارىنا وسى قيىن كۇندەرى ءبىلىم بەرۋ كونتەنتىن ۇسىنعانى ءۇشىن العىس بىلدىرەمىز. بۇل ماتەريالداردى kundelik جۇيەسىنەن كورۋگە بولادى جانە ەلىمىزدىڭ مۇعالىمدەرى ونى وقۋ ۇردىسىندە پايدالانا الادى. ءبىزدىڭ وسى كۇش-جىگەرىمىز قاشىقتان ءبىلىم بەرۋ پروتسەسىن قامتاماسىز ەتۋگە, وقۋشىلاردىڭ ءبىلىم الۋىنا جانە مۇعالىمدەردىڭ ءبىلىم بەرۋىنە كومەكتەسۋگە باعىتتالعان!
ءبىز كاسىبي تۇردە ءبىلىم بەرۋ كونتەنتىن جاساۋمەن اينالىساتىن كەز كەلگەن كومپانيانى ىنتىماقتاسا جۇمىس ىستەۋگە شاقىرامىز. ولاردىڭ جاساعان كونتەنتىن ءوز الاڭىمىزدا ورنالاستىرۋعا دايىنبىز, – kundelik.kz كومپانياسىنىڭ ۇجىمى.
قىسقا ۋاقىت ىشىندە قيىن جاعدايعا بەيىمدەلۋدى جانە سوعان وراي تەز ارەكەت ەتۋدى ۇيرەنگەن قازاقستان مۇعالىمدەرىنىڭ قاجىرلى ەڭبەگىن, شىدامى مەن ءتوزىمىن اتاپ وتكەن ءجون.
كundelik.kz كومپانياسىنىڭ ۇجىمى اتا-انالاردىڭ رولىنە دە جوققا شاعىرمايدى.
– قىمباتتى اتا-انالار, اتا-اجەلەر, سىزدەرگە دە ادەتتەگىدەن گورى شىدامدى بولۋعا تۋرا كەلەدى. بالالارىڭىز بەن نەمەرەلەرىڭىزگە قولداۋ ءبىلدىرىپ, سۇيىسپەنشىلىكپەن جانە مەيىرىممەن قاراڭىزدار! سىزدەر ولارعا بولاشاقتىڭ ىرگەتاسىن قالاۋعا كومەكتەسەسىزدەر, ولارمەن بىرگە ءبىلىمنىڭ نەگىزىن قالايسىزدار. ءبىلىمدى ۇرپاقتان-ۇرپاققا جەتكىزۋ دەگەنىمىزدىڭ ءوزى – ادامزاتتىڭ گۋمانيتارلىق ميسسياسى! سوندا عانا بالالارىڭىز اقىلدى ازامات بولىپ وسەدى!
وسى 5 كۇن ىشىندە مۇعالىمدەر مەن اتا-انالار تاراپىنان ءتۇرلى پىكىر ايتىلدى. وسىعان وراي جۇيەلى سىندى دۇرىس قابىلدايتىنىمىزدى, جۇيەنى جاقسارتۋ ءۇشىن ۇزدىكسىز جۇمىس ىستەيتىنىمىزدى ايتقىمىز كەلەدى.
سىزدەر وسى ءماتىندى وقىپ وتىرعان ۋاقىتتا Kundelik.kz جوباسىنىڭ كومانداسى ەلىمىزدىڭ پەداگوگيكا ۇجىمدارىمەن, تەحنيكالىق ماماندارمەن, بەيىندى مينيسترلىكتەردىڭ قىزمەتكەرلەرىمەن, بايلانىس وپەراتورلارىمەن, قازاقستاندىق ءىت كومپانيالارمەن بىرگە قازاقستاندا قاشىقتان وقىتۋدىڭ تابىستى جۇمىس ىستەۋى جانە ونىڭ قولجەتىمدى بولۋى ءۇشىن بارلىق كۇش-جىگەرىن جۇمساپ وتىر, دەيدى kundelik.kz كومپانياسىنىڭ ۇجىمى.
الماتى