وبلىستىق, رەسپۋبليكالىق ماڭىزى بار قالالار مەن استانانىڭ جەرگىلىكتى اتقارۋشى ورگاندارى دەنساۋلىق ساقتاۋ قىزمەتكەرلەرىن قارجىلاي قولداۋ ماقساتىندا, كوروناۆيرۋسقا قارسى ءىس-شارالارعا تىكەلەي قاتىسىپ جۇرگەن دەنساۋلىق ساقتاۋ ۇيىمدارىنىڭ قىزمەتكەرلەرىنە ارنالعان ۇستەماقىنىڭ مولشەرىن انىقتايتىن كوميسسيا قۇرادى. بۇل تۋرالى دسم حابارلادى.
كوميسسيا ارنايى توپتارعا ارنالعان ۇستەماقىنىڭ كولەمىن ەسەپتەيدى.
اشىق جۇمىس ىستەۋ ماقساتىندا كوميسسيا قۇرامىنا ايماقتىڭ باس مەملەكەتتىك سانيتارلىق دارىگەرى, وبلىستىق دەنساۋلىق ساقتاۋ باسقارماسى, جۇمىسپەن قامتۋ جانە الەۋمەتتىك قورعاۋ باسقارماسى مەن «Nur Otan» پارتياسىنىڭ, كاسىپوداقتاردىڭ وكىلدەرى كىردى.
وبلىستىڭ, رەسپۋبليكالىق ماڭىزى بار قالالاردىڭ جانە استانا اكىمىنىڭ ورىنباسارلارى كوميسسيا توراعاسى رەتىندە تاعايىندالدى, ال وبلىستىق, رەسپۋبليكالىق ماڭىزى بار قالالاردىڭ جانە استانانىڭ مەملەكەتتىك دەنساۋلىق ساقتاۋ ورگاندارىنىڭ لاۋازىمدى وكىلدەرى كوميسسيا توراعاسىنىڭ ورىنباسارى بولادى.