مەملەكەت باسشىسىنىڭ تاپسىرماسىمەن 42 500 تەڭگە كولەمىندەگى الەۋمەتتىك تولەم الۋشىلار ءتىزىمى كەڭەيتىلدى. سوعان بايلانىستى وسى الەۋمەتتىك تولەمدى الاتىندار سانى دا كۇننەن كۇنگە ارتىپ كەلەدى. تج كەزىندە قارجىلىق كومەكتى تەك بۇرىن رەسمي جۇمىسى بولعاندار عانا ەمەس, ءوزىن ءوزى جۇمىسپەن قامتىعاندار دا الا الادى. اۋداندىق جانە قالالىق شتابتار دەمالىسسىز كۇشەيتىلگەن رەجيمدە جۇمىس ىستەۋدە. 10 ءساۋىر كۇنگى مالىمەت بويىنشا, 42 500 تەڭگە كولەمىندەگى الەۋمەتتىك كومەككە 328 مىڭنان استام ادام ءوتىنىش بەرگەن, - دەپ حابارلايدى الماتى وبلىسى اكىمىنىڭ ءباسپاسوز قىزمەتى.
وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ مالىمەتىنە قاراعاندا, بارلىق وتىنىشتەردى اۋدان, قالا اكىمدىكتەرى «ازاماتتارعا ارنالعان ۇكىمەت» كەاق-مەن جانە اسمق-مەن بىرلەسىپ قاراستىرۋدا.
10 ساۋىردەگى مالىمەت بويىنشا, الەۋمەتتىك كومەك 101 300 ادامعا تاعايىندالدى.
ءوتىنىش بەرۋ مەحانيزمى بارىنشا وڭايلاتىلعان: ەشقايدا بارۋدىڭ كەرەگى جوق, ازاماتتاردىڭ وزدەرىنە قولايلى بولۋى ءۇشىن ءوتىنىشتى ءبىر عانا ەلەكتروندى فورماتتا بەرۋىنە بولادى. الماتى وبلىسىنىڭ تۇرعىندارى الەۋمەتتىك تولەمدى الۋ ءۇشىن:
- «ەلەكتروندى ۇكىمەت» ۆەب-پورتالى ارقىلى;
- 42500 Enbek.kz سايتى ارقىلى;
- ءاربىر وڭىرگە جاسالعان تەلەگرامم بوتىندا مىنا سىلتەمە ارقىلى بەرۋلەرىنە بولادى: -https//t.me/ AlmaObl42500Bot.
تەگىن ازىق-ت ۇلىك پەن تۇرمىستىق جيىنتىقتار بەرىلەتىن ازاماتتار ساناتىنىڭ ءتىزىمى دە كەڭەيتىلدى.
الماتى وبلىسى بويىنشا 2020 جىلى الەۋمەتتىك كومەكتىڭ بارلىق تۇرلەرىمەن 27 ملرد 589 ملن تەڭگەگە (سونىڭ ىشىندە 18 ملرد 117 ملن تەڭگە ااك پەن كەپىلدى الەۋمەتتىك پاكەتكە, 9 ملرد 472 ملن تەڭگە باسقا دا كومەكتەرگە) 308 مىڭ ادام قامتىلعان (سونىڭ ىشىندە 144 مىڭى ااك الۋشىلار, 189 مىڭى كومەكتىڭ باسقا تۇرلەرىن الۋشىلار),
ازىق-ت ۇلىك الاتىندار ءتىزىمىن كەڭەيتۋ اياسىندا 10 ساۋىردە الۋشىلار كونتينگەنتى 94 019 ادامدى قۇرادى, سونىڭ ىشىندە 6 مەن 18 جاس ارالىعىندا 2 521 بالا, 16 جاسقا دەيىنگى 7 721 مۇگەدەك بالا, 4 073-ءى - 1-توپتاعى, 19 297-ءى - 2-توپتاعى, 18 922-ءسى - 3-توپتاعى مۇگەدەك جاندار, مۇگەدەك بالاعا قاراپ وتىرعان 8 445 اتا-انا, جۇمىسپەن قامتۋ ورتالىقتارىندا تىركەلگەن 13 040 جۇمىسسىز بار.
بۇگىنگى كۇنى اتاۋلى الەۋمەتتىك كومەك الۋشىلار قاتارىنداعى 6 مەن 18 جاس ارالىعىنداعى 22 521 بالا دەربەس شوتىنا 2 اەك كولەمىندەگى جالپى سوماسى 120,5 ملن تەڭگە بولاتىن قارجى قاراجاتىن اۋدارۋ جولىمەن ازىق-ت ۇلىك جيىنتىعىمەن قامتاماسىز ەتىلدى.
ەلباسى نۇرسۇلتان نازارباەۆتىڭ تاپسىرماسىنا وراي «Birgemiz» قوعامدىق قورىنان حالىقتىڭ الەۋمەتتىك ءالجۋاز توپتارىنىڭ كارتالارىنا 50 مىڭ تەڭگەدەن اۋدارىلا باستادى. سونىمەن قاتار ەلباسى باستاماسىمەن «Nur Otan» پارتياسىمەن بىرلەسىپ «Birgemiz» اكتسياسىنىڭ اياسىندا 3 مىڭنان استام از قامتىلعان وتباسىلارعا ازىق-ت ۇلىكپەن كومەك كورسەتىلەدى.
«بيىلعى جىلدان باستاپ ااك الۋشى وتباسىلارعا 1 مەن 6 جاس ارالىعىنداعى بالالارعا كەپىلدى الەۋمەتتىك پاكەت (كاپ) تۇرىندەگى قولداۋدىڭ قوسىمشا شارالارى ەنگىزىلدى. جىل باسىنان بەرى كاپ-نى 6 مىڭنان استام وتباسى الدى, مۇندا 13 700 بالا قامتىلدى. كەپىلدى الەۋمەتتىك پاكەت وسى ايدا دا بەرىلەدى. سونىمەن قاتار جىل باسىنان بەرى ااك 12 026 وتباسىعا تاعايىندالعان», - دەدى جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى زايدا ءىلىمجانوۆا.