«وحوتزووپروم» ءوب» رمقك قىزىلوردا وڭىرلىك فيليالىنىڭ ينسپەكتورلارى كەشە تۇنگى رەيدتە وبلىس ورتالىعىنىڭ ىرگەسىندەگى دوسان اۋىلىنىڭ ماڭىنان ەكى تويوتا لەند كرۋزەر اۆتوكولىگىن بايقايدى.
قالاعا كىرەتىن توسقاۋىل بەكەتىن ءاينالىپوتىپ بارا جاتقان كولىكتەگىلەر بۇلاردى كورىسىمەن كۇرىشتىك ارقىلى جول قىسقارتىپ, بوي تاسالاماق بولىپتى. بۇل تۋرالى قازاقستان رەسپۋبليكاسى ەكولوگيا, گەولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ فەيسبۋك جەلىسىندەگى پاراقشاسىندا جاريالانىپ وتىر.
قۋعىن كەزىندە قاشقان كولىكتىڭ ءبىرى اۋدارىلىپ, ىشىندەگىلەر كەلەسىسىنە اۋىسىپ ءمىنىپ, ۇزاپ كەتكەن. ال اۋدارىلعان كولىك ىشىنەن ءمۇيىزى كەسىلگەن 54 كيىك, 224 دانا ءمۇيىز, 25 وعى بار مر-153 ماركالى اڭشى مىلتىعى, ءدۇربى مەن پىشاق تابىلدى.
ارنايى اڭ اۋلاۋعا لايىقتالعان كولىكتىڭ مەملەكەتتىك ءنومىرى الدەقاشان ەسەپتەن شىعارىلعان بولىپ شىقتى. قازىر وبلىس پوليتسەيلەرى وسى وقيعاعا بايلانىستى جەدەل-ىزدەۋ شارالارىن باستادى.