يدم كولىك كوميتەتى اعىمداعى جىلدىڭ 15 ساۋىرىنەن باستاپ كولىكتىك باقىلاۋ بەكەتتەرىندە قاعازبەن بەرىلگەن رۇقساتتاردى تەكسەرۋدى الىپ تاستايدى, دەپ حابارلادى يدم ءباسپاسوز قىزمەتى.
ونىڭ ورنىنا ەندى تەكسەرۋ كولىك كوميتەتىنىڭ كولىكتىك دەرەكتەر بازاسىنىڭ اقپاراتتىق-تالداۋ جۇيەسىنىڭ كومەگىمەن جۇزەگە اسىرىلادى.
ياعني, تاسىمالداۋشىلاردان وزىمەن بىرگە قاعازداعى رۇقسات بەرۋ قۇجاتتارىنىڭ بولۋى تالاپ ەتىلمەيدى. وسى رۇقساتتاردى بەرۋگە ماقۇلدانعان وتىنىم جانە قولدانىستاعى زاڭناماعا سايكەس ەلەكتروندىق ۇكىمەت پورتالىنداعى جەكە كابينەتتە رۇقسات بەرۋ ۇشىن مەملەكەتتىك ورگان قابىلداعان مەملەكەتتىك باج (قاجەت بولعان جاعدايدا) بولسا جەتكىلىكتى.
مۇنداي رۇقساتتاردىڭ تىزىمىنە ەنگەن قۇجاتتار:
- ىرى كولەمدى جانە اۋىر سالماقتى اۆتوكولىك قۇرالدارىنىڭ جۇرىپ وتۋىنە ارنايى رۇقسات;
- 1, 6 جانە 7-سىنىپتاعى قاۋىپتى جۇكتەردى تاسىمالداۋعا ارنايى رۇقسات;
- اۆتوكولىك قۇرالىنا رۇقسات كارتوچكالارى;
- حالىقارالىق جۇك تاسىمالداۋعا رۇقسات بەرۋ كۋالىگى.