وبلىستا كارانتين رەجيمى ەنگىزىلگەننەن بەرى وبلىستىق تاريحي-ولكەتانۋ مۋزەيى باسقا دا كوپتەگەن ۇيىمدار سەكىلدى ءوز جۇمىسىن قاشىقتىقتان جۇرگىزە باستادى.
مۋزەي قىزمەتكەرلەرى ۇيلەرىندە وتىرىپ-اق وزدەرىنىڭ زەرتتەۋ جۇمىستارىن ءارى قاراي جالعاپ, ءتۇرلى ماقالالار ۇيىمداستىرۋدا, مۋزەي قورىندا ساقتالعان جادىگەرلەردى كاتالوگتاۋ جۇمىستارىمەن اينالىسۋدا. ال, مۋزەيگە بارىپ ىستەيتىن قىزمەتكەرلەر ونلاين-فورماتتا ءىس-شارالار وتكىزۋدىڭ جوسپارىن ازىرلەدى. ولاردى مۋزەي سايتىنان جانە فەيسبۋك, ينستاگرامم جەلىلەرىنەن تاماشالاۋعا بولادى.
ء–بىر عاسىرلىق تاريحى بار مۋزەيىمىزدە «جادىگەرلەر تاريحتان سىر شەرتەدى» ونلاين جوباسىن ىسكە قوسىلدى. كوپتەگەن جىلدار بويى عىلىمي قىزمەتكەرلەرىمىز مۋزەيدەگى بىرەگەي جادىگەرلەردىڭ توپتامالارىن جيناقتادى, ولاردىڭ ىشىندەگى ۇزدىك تانىلعاندارى ەكسپوزيتسيالىق زالدا ۇسىنىلعان. ونداعى ءاربىر زاتتىڭ, قۇجاتتىڭ نەمەسە ارتەفاكتتىڭ وزىندىك ءمان-ماڭىزى بار. ولار بەلگىلى ءبىر ادامنىڭ عۇمىرىن, وتباسىنىڭ باستان كەشكەندەرىن, ياعني تۋعان جەردىڭ تۇڭعيىق تاريحىنان سىر شەرتىپ تۇر. مىنە, وسى ورايدا, جوعارىداعى جوبانى جۇزەگە اسىرۋ ءۇشىن العاشقى بەينەجازبا ازىرلەندى. ول مۋزەي ورنالاسقان عيماراتتىڭ تاريحى جايلى ءتۇسىرىلدى. كەلەسى بەينەجازبالار دا اقمولا تۇرعىندارى ءۇشىن قىزىقتى دا قىزعىلىقتى بولارى ءسوزسىز, – دەيدى مۋزەي ديرەكتورىنىڭ ورىنباسارى انار دۇيسەنباەۆا.
ناۋرىز ايىنىڭ سوڭىندا اتباسارداعى ءىلياس ەسەنبەرلين اتىنداعى مۇراجايدىڭ عىلىمي قىزمەتكەرلەرى ونلاين-رەجيمىندە ء«ومىر وزەن» اۆتوبيوگرافيالىق كىتابىنا شولۋ جاسادى. ونىڭ اۆتورى بۇركەنشىك اتى اسان نوماد بولىپ تابىلاتىن جازۋشىنىڭ بالاسى قوزىكورپەش ەسەنبەرلين. اتالمىش كىتاپ 2004 جىلى ورىس تىلىندە جارىق كوردى. ء«ىلياس», «ماحاببات», «ديليارا» اتتى ءۇش بولىمنەن تۇرادى. بۇگىنگى كۇنى اتالعان كىتاپتىڭ ءبىرىنشى ءبولىمنىڭ اۋديوجازباسى جاسالدى. ال, ستەپنوگورسك تاريحي-ولكەتانۋ مۇراجايى ءساۋىر ايىنىڭ باسىنان «جەڭىس باتىرلارى» اتتى دارىستەر تسيكلىن ونلاين تۇردە ىسكە قوستى. وندا ستەپنوگورسك توپىراعىنان شىققان ۇلى وتان سوعىسىنىڭ باتىرلار تۋرالى ماتەريالدار توپتاستىرىلعان.
سونىمەن بىرگە ماعجان جۇماباەۆ اتىنداعى اقمولا وبلىستىق عىلىمي-امبەباپ كىتاپحاناسى دا وسى كۇندەرى ءوز جۇمىستارىن قاشىقتىقتان اتقارۋ جۇمىستارىن بەلسەندى دامىتۋدا. ء«بىز وقىرماندارىمىزعا قاشىقتىقتان قىزمەت كورسەتۋ ءۇشىن «جاندى كىتاپ» جاڭا فورماتىن ەنگىزدىك» دەيدى كىتاپحانا ديرەكتورىنىڭ ورىنباسارى گالينا ساۆەنكوۆا. وندا قازىر «اباي جانە مەن» اتتى كىتاپحانا ستۋدياسى جۇمىس ىستەپ, كىتاپحاناشىلار مەن ستۋدەنتتەر, كوكشەتاۋ قالاسىنداعى جوعارى وقۋ ورىندارىنىڭ ۇستازدارى ۇلى ابايدىڭ, ءىلياس ەسەنبەرليننىڭ جانە تاعى دا باسقا اقىن-جازۋشىلاردىڭ شىعارماشىلىعى تۋرالى ايتىپ, ناسيحاتتاۋدا.
كىتاپحانانىڭ اقپاراتتىق-بيبليوگرافيالىق ءبولىمى جەرگىلىكتى اقىن-جازۋشىلاردىڭ ساندىق فورماتتاعى شىعارمالارىن الەۋمەتتىك جەلىلەرگە ءجيى سالىپ تۇرادى. كەز-كەلگەن جەلى قولدانۋشىسى ۇيىندە وتىرىپ-اق وقي الادى. سونىمەن بىرگە, كىتاپحانا «جەرلەس جازۋشىلاردىڭ توپتالارىن» ساندىق فورماتقا اۋىستىرىپ, 3D كىتاپتارىن جاساۋدا.
– رەسپۋبليكادا ءبىرىنشى بولىپ ءبىز ءوزىمىزدىڭ بەلسەندى وقىرماندارعا 60+ جەلىسىن اشتىق, وندا كىتاپحاناشىلار وقىرماندارعا كىتاپتاردى ۇيلەرىنىڭ ەسىگىنە دەيىن اپارىپ بەرەدى, بۇعان قوسا, ولار «ۇيدە وقيمىز» اتتى بەينەجازبا تۇسىرۋدە. مىنە, وسىلايشا ءبىز ەلەكتروندى كىتاپحانا جاساپ جاتىرمىز. ادەبيەتتەردى ساندىق فورماتقا كوشىرىپ, ونىڭ ساپاسىن ارتتىرۋ ءۇشىن رەداكتور-باعدارلاماسىمەن جۇمىس ىستەۋدەمىز. ءبىز قازىر شىعارمالاردى «Magjan.kz» تاريحي-ادەبي پورتالىندا ءۇش تىلدە – قازاق, ورىس, اعىلشىن تىلدەرىندە جاريالاۋ جۇمىسىنا دايىندالۋدامىز, – دەيدى كىتاپحانا ديرەكتورى تالعات ىبىراەۆ.
سونداي-اق, «تسيفرلى قازاقستان» باعدارلاماسىن جۇزەگە ىسكە اسىرۋ شەڭبەرىندە قازاق ۇلتتىق ەلەكتروندى كىتاپاحاناسىنا جەرگىلىكتى اۆتورلاردىڭ ساندىق فورماتتاعى 250 كىتابى تاپسىرىپتى.
كوپشىلىك جۇمىستار ءبولىمى «Jandykitap» چەللەندجىن ۇيىمداستىرۋدا, وندا قازاق ادەبيەتى كلاسسيكتەرىنىڭ شىعارمالارى وقىلاتىن بولادى.
فەيسبۋكتە جانە كىتاپحانا سايتىندا كىتاپحاناشىلار تانىمال كومپوزيتورلاردىڭ ومىربايانىمەن قوسا مۋزىكالىق شىعارمالاردىڭ تاريحىمەن تانىستىرۋ ءۇشىن بەينەشولۋلار جاساۋدا, ياعني ولار «جاڭا فورماتتاعى كلاسسيكا» ونلاين-ايدارىن جۇرگىزۋدە. ال, «پوليگلوت» جوباسى اياسىندا شەتەل ادەبيەتى ءبولىمى جاس وقىرماندارعا ۆيدەو فورماتتا ءۇش تىلدە ساباقتار وتكىزەدى.