جامبىل وڭىرىندە كوروناۆيرۋس ينفەكتسياسىن جۇقتىرۋدىڭ جاڭا جاعدايى انىقتالدى. تىركەلگەن ناۋقاس 1975 جىلى تۋعان تاراز قالاسىنىڭ تۇرعىنى بولىپ شىقتى.
جامبىل وبلىسى اكىمدىگىنىڭ بەرگەن مالىمەتى بويىنشا, ول 10 ءساۋىر كۇنى جوتەل مەن دەنە قىزۋىنىڭ جوعارىلاۋىنا بايلانىستى شاعىمدانىپ, اۋرۋحاناعا جاتقىزىلعان. الىنعان زەرتحانالىق قان تالداۋلارىنىڭ قورىتىندىسى كوروناۆيرۋس ينفەكتسياسىنا وڭ ناتيجە كورسەتكەن. بۇگىندە ناۋقاس ينفەكتسيالىق ستاتسيونارعا اۋىستىرىلعان.
ەپيدەميولوگيالىق تەكسەرۋ بارىسىندا ونىمەن جاقىن بايلانىستا بولعان 3 ادام انىقتالىپ, كارانتيندىك ستاتسيونارعا ورنالاستىرىلعان. ولاردان دا زەرتحانالىق زەرتتەۋگە قان تالداۋلارى الىنعان. سونىمەن قاتار, تۇرعىلىقتى جانە بارعان ورىندارى بويىنشا دا ەپيدەمياعا قارسى ءىس-شارالار جۇرگىزىلگەن. بايلانىستا بولعان ازاماتتاردى انىقتاۋ جۇمىستارى جالعاسۋدا.
جامبىل وبلىسى