1 ميلليوننان استام قازاقستاندىق نەسيە تولەۋ بويىنشا نەگىزگى بورىش پەن سىياقى تولەۋ مەرزىمىن كەيىنگە قالدىرۋدى سۇراپ, بانكتەرگە ءوتىنىش بەرگەن. بۇل تۋرالى قازاقستان قارجىگەرلەرى قاۋىمداستىعى كەڭەسىنىڭ توراعاسى ەلەنا باحمۋتوۆا ءمالىم ەتتى.
– 9 ساۋىردەگى جاعداي بويىنشا 1 ملن 137 مىڭعا جۋىق ادامنىڭ ءوتىنىشى قاناعاتتاندىرىلدى. جەكە تۇلعالار بويىنشا 983 مىڭ 123 ءوتىنىشتى كەيىنگە قالدىرۋ بويىنشا شەشىم قابىلداندى. نەسيەنى تولەۋ مەرزىمىن كەيىنگە شەگەرۋ بويىنشا وتىنىشتەر ءالى دە قابىلدانۋدا. بانك ءوتىنىشتى 10 كۇن ىشىندە قارايدى. ەگەر الەۋمەتتىك جاعىنان از قامتىلعان ءادام وتىنىش بەرسە, ول بويىنشا تەز ارادا شەشىم قابىلدانادى. مۇنداي جاعدايدا 10 كۇن كۇتۋدىڭ قاجەتى جوق. بانكتەر بۇل پروتسەستى ونلاين رەجيمدە دە جۇرگىزىپ جاتىر, – دەدى ول.