الماتى قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ايزات مولداعاسىموۆا بۇگىنگى ءباسپاسوز بريفينگىندە ءساۋىر ايى باستالعالى بەرى COVID-19 ىندەتىن انىقتاۋدا تەگىن ەكسپرەسس-تەستىلەر وتكىزىلە باستاعانى تۋرالى باياندادى. ەگەر تەستىلەۋ وڭ ناتيجە كورسەتسە, پتر-تەست (پوليمەرازدى تىزبەكتى رەاكتسيا) جاسالادى.
«جەدەل تەستىلەۋدەن وتكىسى كەلگەن ادامدار ارنايى سايتتا انكەتا تولتىرىپ, ءوتىنىم بەرەدى. سودان كەيىن ولار ىرىكتەلەدى. بۇل تەست ادامنىڭ ىندەت جۇقتىرعانىنع نەمەسە جۇقتىرماعانىن انىقتاپ بەرەدى. ەگەر ول وڭ ناتيجە كورسەتسە, ءبىز پتر دياگنوستيكاعا جىبەرەمىز», – دەيدى دەپارتامەنت باسشىسى.
الماتىنىڭ باس سانيتارى بۇگىنگى كۇندەرى الماتىلىقتار اراسىندا تەست جاساتۋ جالعاسىپ جاتقانىن اتاپ ءوتتى.
«بۇگىنگى كۇنگە 15 مىڭنان استام تەست جاسالدى. جۇما كۇنگى تۇسكە دەيىنگى ەپيدەميولوگيالىق جاعدايعا سايكەس, مەگاپوليستە كوروناۆيرۋس ينفەكتسياسى 122 ادامدا انىقتالدى. قازىرگى كۇندەرى بۇيرىققا سايكەس پتر-تەستىلەۋدى قاجەت ەتەتىن كونتينگەنتتەر بار. ونىڭ ىشىندە ىندەتكە شالدىققان ادامدار, ناۋقاستارمەن بايلانىستا بولعاندار, شەتەلدەن كەلگەن ازاماتتار بار. ءبىز مەديتسينالىق قىزمەتكەرلەردى دە تەكسەرىپ شىقتىق»,– دەدى ايزات مولداعاسىموۆا.
بريفينگ بارىسىندا باق وكىلدەرى ءزىمبىر, ليمون, سارىمساقتىڭ باعاسى شارىقتاپ تۇرعانىن العا تارتىپ, وسىنىڭ ءمانىسىن سۇرادى.
– ءزىمبىر مەن ليمون دارىلىك زاتقا جاتپايدى. بۇل اعزانىڭ يممۋنيتەتىن كوتەرەتىن, فۋنكتسياسىن قالپىنا كەلتىرەتىن ازىق-ت ۇلىككە جاتادى. بىراق وسى ىندەتتى ليمون, ءزىمبىر, سارىمساقپەن جازىپ شىققانى تاجىريبەدە جۇزىندە دالەلدەنبەگەن», – دەدى ول.
ء«زىمبىر, سارىمساق, ليمون, ميكروەلەمەنتتەر, دارۋمەندەردى اۋرۋدىڭ الدىن الۋ, دەنساۋلىقتى نىعايتۋ ماقساتىندا ىشكەن دۇرىس. ادامداردىڭ يممۋنيتەتى جاقسى بولسا, دەرت جۇعا بەرمەيدى. سوندىقتان, ادامدار وقشاۋلانىپ, يممۋنيتەتىن كوتەرىپ جۇرسە, وتە جاقسى قورعانىس قۇرالى بولادى. حالىق مەديتسيناسىندا قولدانىلاتىن دارىلىك شوپتەر تەك پروفيلاكتيكالىق ماقساتتا ءىشىلۋى كەرەك. بىراق COVID-19 ينفەكتسياسى ارنايى ۆيرۋسقا قارسى پرەپاراتتار ارقىلى ەمدەلەدى», – دەدى الماتى قالاسىنىڭ باس سانيتارى.