وسىعان دەيىن ءبىز كوروناۆيرۋس ينفەكتسياسىن جۇقتىرعان قىزىلوردالىق كەلىنشەكتىڭ امان-ەسەن بوسانعانىن, بالانىڭ بويىنان ۆيرۋس بەلگىسى تابىلماعانىن حابارلاعان بولاتىنبىز.
وسىعان ءسال ۋاقىت بۇرىن وبلىستىق پەريناتالدىق ورتالىق دارىگەرلەرى باق وكىلدەرىن نارەستەنىڭ جاعدايىنان حاباردار ەتتى.
-تولعاق قىسقان كەلىنشەك بىزگە 8 ءساۋىر كۇنى كەلىپ ءتۇسىپ, ورتالىقتىڭ پروۆيزورلىق بولىمىنە جاتقىزىلدى. امان-ەسەن بوساندىردىق, نارەستەنىڭ بويىنان ۆيرۋس بەلگىسى تابىلعان جوق. قازىر اناسى وبلىستىق جۇقپالى اۋرۋلار اۋرۋحاناسىنا اۋىستىرىلدى, ال بالا 14 كۇن بويى ءبىزدىڭ ورتالىقتىڭ پروۆيزورلىق بولىمدە باقىلاۋدا بولادى, – دەدى ورتالىق باس دارىگەرىنىڭ ورىنباسارى ءلاززات ساپارباەۆا.