بۇگىندە بۇكىل الەم جۇرتىن الاڭداتىپ, بارشا عالامعا قاۋىپ-قاتەر تۋدىرتىپ وتىرعان COVID-19 ىندەتىن جەڭۋ جولىندا حالقىمىزدى سابىرلىققا شاقىرىپ, بولاشاققا مول سەنىم ۇيالاتار ۇلت كوشباسشىسى ن.ءا.نازارباەۆتىڭ «بىرلەسە بىلگەن ەل ءبارىن جەڭەدى» اتتى ماقالاسىنىڭ ماڭىزى تەرەندە.
تۇڭعىش پرەزيدەنت – ەلباسى عاسىرلار بويى سان قيىندىقتى ەش مويىماستان جەڭە بىلگەن دانا حالقىمىزدىڭ تاريحىنا توقتاپ كەلە, بۇگىنگىدەي اۋىر كەزەڭ مەن داعدارىستى ەڭسەلى ەلىمىزدىڭ تاعى دا ەڭسەرە الاتىنىنا مول سەنىم بىلدىرەدى. تاۋەلسىزدىكتىڭ العاشقى جىلدارىندا مەملەكەتىمىزدىڭ اياعىنان نىق تۇرۋى ءۇشىن قىسىلتاياڭ, كۇردەلى جىلداردى باسىنان وتكەردى. سول كەزەڭدەردەگى تۇڭعىش پرەزيدەنتىمىزدىڭ بىلىكتى دە شەبەر ۇستانىمدارى مەن باعىتتارى, الپاۋىت مەملەكەتتەرمەن دوستىق, ىنتىماقتاستىق قارىم-قاتىناس ۇستالۋى, مەملەكەتتەر اراسىنداعى 200-گە جۋىق ۇيىمدارعا مۇشە بولا وتىرىپ مەملەكەتىمىزدى بۇكىل الەمگە تانىتۋى وراسان زور جەتىستىكتەرگە قول جەتكىزدى. ۇزاق مەرزىمگە باعىتتالعان «قازاقستان-2050» دامۋ ستراتەگياسى, ۇلت بولاشاعىن جارقىن ەتۋ جولىنداعى ءىرى باعدارلامالار مەن جۇيەلى جۇرگىزىلگەن رەفورمالار ناتيجەسىن دە قازىرگى تاڭدا تۋىنداپ وتىرعان زامان سىنىنان مەملەكەتىمىزدىڭ سۇرىنبەي وتۋىنە جاسالىپ وتىر.
ەلىمىزدىڭ پرەزيدەنتى – قارۋلى كۇشتەرىنىڭ جوعارى باس قولباسشىسى ق.ك. توقاەۆ بۇگىنگى قيىن كەزەڭگە بايلانىستى قازاقستان حالقىنا ارناعان مالىمدەمەسىندە: «تۇڭعىش پرەزيدەنتىمىز ن.ءا. نازارباەۆتىڭ ساليقالى ساياساتىنىڭ ارقاسىندا تاۋەلسىزدىك جىلدارى «ۇلتتىق قور مەن التىن-ۆاليۋتا قورى» قۇرىلدى. بۇگىنگىدەي قيىن-قىستاۋ كەزەڭدە ءبىز اتالعان قورعا جۇگىنىپ وتىرمىز» - دەپ اتاپ ءوتتى. ءيا, ەلباسى ايتقانداي, اتالعان قور ەلىمىزدىڭ ەڭ ۇلكەن بايلىعى – ادام مەن ونىڭ ءومىرى ءۇشىن جۇمسالىپ وتىر.
ەلباسى ءوز ماقالاسىندا قازاق حالقىنىڭ دانىشپان تۇلعالارىنىڭ قاناتتى سوزدەرىن ۇران ەتە وتىرىپ حالىقتى ۇيىمشىلدىق پەن تەمىردەي قاتاڭ تارتىپكە, توزىمدىلىك پەن بەرەكە-بىرلىككە جەتەلەيدى. نۇرسۇلتان ءابىش ۇلى ەلىمىزدى ەنجارلىق پەن سارىۋايىمنان اۋلاق بولۋعا باستاي وتىرىپ, ىرىس پەن ىنتىماق, يگىلىك پەن ىزگىلىك قاسيەتتەرىنەن قۋات الىپ قيىندىقتى جەڭە ءبىلۋ قاجەت ەكەنىنە توقتالادى.
ەلىمىزدىڭ «ماڭگىلىك ەل» بولۋى مەن دامۋى جولىندا ەلباسىنىڭ اعا ۇرپاق پەن زيالى قاۋىم وكىلدەرىنە, جاڭا وسكىن – جاس ۇرپاققا, شاعىن جانە ورتا كاسىپكەرلەرگە ارتقان جاۋاپكەرشىلىك پەن مىندەتتەردىڭ ماڭىزى زور. سوندىقتان ءار ازامات ءوز وتانى الدىنداعى جاۋاپكەرشىلىكتى ءتۇسىنىپ, تۋعان ەلى مەن نۇرلى بولاشاق ءۇشىن ءوز ۇلەسىن قوسۋى ابزال.
وشپەس رۋح پەن قاجىر-قايرات بەرەتىن مەملەكەتىمىز باردا, كەمەڭگەر ۇلى حالقىمىز باردا ءبىز بار قيىندىقتى بىرگە جەڭەتىڭىمىزگە سەنىمىمىز مول.
اسقار مۇستابەكوۆ,
گەنەرال-مايور,
قر قم راديوەلەكترونيكا جانە بايلانىس
اسكەري-ينجەنەرلىك ينستيتۋتىنىڭ باستىعى