جاقىندا HUAWEI CLOUD بۇكىل الەمدەگى تۇتىنۋشىلارىنا بۇلتتى جانە AI (جاساندى ينتەللەكت) قىزمەتتەرىن قولدانۋ ارقىلى COVID-19-بەن كۇرەسۋگە ىقپال ەتەتىن عالامدىق ءىس-قيمىل جوسپارىن ىسكە قوسقانى تۋرالى حابارلادى.
HUAWEI CLOUD كوروناۆيرۋسقا قارسى حالىقارالىق ءىس-قيمىل جوسپارىنىڭ بولىگى رەتىندە اقىسىز جاساندى ينتەللەكت جانە بۇلتتى قىزمەتتەردى ۇسىنىپ وتىر. وسى ورايدا كومپانيا پاندەميامەن كۇرەسۋگە الەمدىك سەرىكتەستەرىنىڭ نازارىن اۋدارىپ وتىر.
HUAWEI CLOUD Global Market پرەزيدەنتى دەن تاو «HUAWEI CLOUD پاندەميامەن كۇرەسۋ ءۇشىن بۇلتتى جانە جاساندى ينتەللەكت سياقتى يننوۆاتسيالىق تەحنولوگيالاردى پايدالانۋ ارقىلى قىتايداعى سەرىكتەستەرمەن جۇمىس جاساۋ ۇستىندە. كومپانيا اتالمىش جۇمىس بارىسىندا جاساندى ينتەللەكت كومەگىمەن كومپيۋتەرلىك توموگرافيا تاراۋىن تالداۋدا, ءدارى-دارمەكتەردى تابۋدا, ونلاين ءبىلىم بەرۋ جانە تەلەكوممۋنيكاتسيالىق تەحنولوگيالاردى پايدالانۋدا پراكتيكالىق تاجىريبە جيناقتادى. ەندى حالىقارالىق تاجىريبە الماسۋ ءۇشىن وسى ءىس-قيمىل جوسپارىن ىسكە قوسۋدامىز. ءبىز بۇكىل الەمدەگى تۇتىنۋشىلارىمىزعا داعدارىس بارىسىنداعى قيىندىقتاردى جەڭۋگە كومەكتەسۋگە تەحنولوگيالىق مۇمكىندىكتەر ۇسىنىپ وتىرمىز» دەپ اتاپ ءوتتى.
HUAWEI CLOUD دەنساۋلىق ساقتاۋ سالاسىندا EIHealth-تى تەگىن نەگىزدە ۇسىنادى. وعان ۆيرۋستىق گەنومدى انىقتاۋ, سيليكوندى سكرينينگتەگى ۆيرۋسقا قارسى پرەپارات جانە ناۋقاستاردى جاساندى ينتەللەكت نەگىزىندە كومپيۋتەرلى توموگرافيالىق سكرينينگ قىزمەتتەرى كىرەدى.
HUAWEI CLOUD ءبىلىم بەرۋ سالاسىندا سەرىكتەستەرمەن بىرگە مەكتەپتەر مەن باسقا دا ءبىلىم بەرۋ مەكەمەلەرىنە ونلاين رەجيمىندە ءبىلىم بەرۋ قىزمەتتەرىن ۇسىنادى. سونداي-اق, كومپانيا پاندەميا بارىسىندا كاسىپورىنداردىڭ ۇزدىكسىز جۇمىسىن قامتاماسىز ەتۋ ءۇشىن ولاردىڭ بۇلتتىق سەرۆيستەگى قىزمەتىنە كومەكتەسەدى.
قازىرگى تاڭدا HUAWEI CLOUD جاڭادان تىركەلگەن ءاربىر پايدالانۋشى ءۇشىن 1500 ساعاتقا دەيىن بۇلتتى رەسۋرستارىن تەگىن ۇسىنادى. بۇل ۇسىنىس سونداي-اق HUAWEI CLOUD (حالىقارالىق) ۆەب-سايتىنداعى تاۋلىك بويى كاسىبي قولداۋعا يە.
HUAWEI CLOUD سونىمەن قاتار, قاشىقتاعى كەڭسە, جاساندى ينتەللەكتپەن قولداۋ, كاسىپورىنعا كومەك, اقىلدى دەنساۋلىق ساقتاۋ جانە ونلاين-ءبىلىم سياقتى بەس نەگىزگى ستسەناريگە باعىتتالعان COVID-19عا قارسى سەرىكتەستىك باعدارلاماسىن شىعاردى. بۇل باعدارلاماعا قاتىساتىن سەرىكتەستەر جان-جاقتى ىسكەرلىك, تەحنولوگيالىق جانە نارىقتىق قولداۋمەن قاتار 30 000 اقش دوللارىنا دەيىنگى اقىسىز بۇلتتى رەسۋرستار مۇمكىندىگىنە يە.
COVID-19-بەن كۇرەسۋدىڭ جاھاندىق جوسپارىنا قوسىلۋ ءۇشىن antivirus1@huawei.com مەكەن-جايى بويىنشا حابارلاسۋعا بولادى.