ەكى ءجۇز الەۋمەتتىك بلوك ماماندارى ونلاين قىزمەت كورسەتەدى

قازاقستاننىڭ 2,2 ميلليون زەينەتكەرىنىڭ زەينەتاقىلارىن ۋاقىتىلى الۋى وسى قىزمەتكەرلەرگە بايلانىستى, دەيدى ورتالىق ماماندارى. تولەمدەر مەن مۇگەدەكتىككە بايلانىستى جاردەماقى, كوپبالالى وتباسىلارعا ارنالعان جاردەماقى, بالا تۋىنا بايلانىستى جانە ت.ب. الەۋمەتتىك تولەماقىلارعا قاتىستى سۇراقتارعا وسى قىزمەتكەرلەر جاۋاپ بەرۋدە.

قازىرگى كەزدە جۇرتشىلىقتى تولعاندىرىپ وتىرعانى 42500 تەڭگەنى الۋ ماسەلەسى. بۇل جاردەماقىنى ازاماتتارعا ارنالعان ۇكىمەت الەۋمەتتىك بلوگىنىڭ قىزمەتكەرلەرى قۇجاتتار مەن وتىنىشتەردى ازىرلەپ, تولەماقىلاردى ازاماتتارعا اۋدارىپ وتىرادى. سونىمەن قاتار اتالمىش جۇمىستار ايتارلىقتاي جاۋاپكەرشىلىكتى دە جۇكتەپ وتىر.

«سىن ساعاتتا بارلىق قازاقستاندىقتار توزىمدىلىك, بىرلىك پەن سانالىلىق تانىتۋ قاجەت. ءبىز دە ءوزىمىزدىڭ جۇمىسىمىزدى ادال ورىنداۋعا تىرىسىپ جاتىرمىز. ويتكەنى بۇگىنگى كۇنى جاۋاپكەرشىلىك تانىتۋ اسا ماڭىزدى بولىپ وتىر», - دەيدى ازاماتتارعا ارنالعان ۇكىمەتتىڭ ناۋرىزباي اۋداندىق بەك-ءوفيسىنىڭ قىزمەتكەرى جومارت ساۋرانباەۆ.

ال, گۇلبانۋ قۇربانوۆا بولسا 2015 جىلدان بەرى الەۋمەتتىك بلوكتىڭ المالى بەك-وفيسىندە جۇمىس ىستەپ كەلەدى. ەكى بالانىڭ اناسى. «كارانتين ءبىزدى كوپتەگەن نارسەلەرگە باسقاشا قاراۋعا ۇيرەتتى. اتا-انالاردىڭ بالا تاربيەسىمەن اينالىسۋىنا مول مۇمكىندىك تۋدى. سوندىقتان, مەن كارانتين ۋاقىتىنىڭ جاعىمدى جاعىن كورۋگە تىرىسامىن. ۇيدە وتىرىپ تا جۇمىسقا ۇلگەرىپ جاتىرمىن. سوندىقتان, بالالى انالارعا كەلەشەكتە دە قاشىقتىقتان جۇمىس ىستەۋ جولىن تاڭداۋ كەرەك بولاتىن شىعار», - دەيدى ول.

المالى اۋداندىق بەك-ءوفيسىنىڭ باسشىسى قاليا بازيكەنوۆانىڭ ايتۋىنشا, 42500 تەڭگەنى الۋ ءۇشىن ءتۇسىپ جاتقان وتىنىشتەر كوپ. تەك المالى اۋدانىنىڭ وزىندە عانا 5 مىڭعا جۋىق ءوتىنىم وڭدەلگەن. ارىپتەستەرىمەن بىرگە ارتىلىپ وتىرعان جۇكتەمەنى ابىرويمەن كوتەرىپ, قىزمەتتەردى ساپالى كورسەتۋگە اسا ءمان بەرىپ وتىرعانىن ايتادى. سونىمەن قاتار, وتىنىمدەردىڭ كوپ تۇسۋىنە بايلانىستى كۇندىز-ءتۇنى دەمالىسسىز جۇمىس ىستەۋگە كوشكەن. ول جۇمىس جۇكتەمەسىنىڭ ارتىلۋىنا قاراماستان ەڭبەك ەتىپ وتىرعان ارىپتەستەرىنىڭ تاباندىلىعى مەن بىلىكتىلىگىنە ء وز العىسىن ءبىلدىردى.

ەلىمىز باسىنان قيىن كەزەڭدى وتكەرىپ وتىرعان ساتتە, جۇدىرىقتاي جۇمىلىپ, كۇنى-ءتۇنى جۇمىس ىستەپ وتىرعان فيليالدىڭ بارلىق قىزمەتكەرلەرىنە زور العىسىمدى بىلدىرەمىن. ءبىزدىڭ ۇلكەن كوماندا دارىگەرلەر مەن پوليتسيا قىزمەتكەرلەرى سەكىلدى, ولار دا ءوز جۇمىس ورىندارىندا ء(بىرى كەڭسەدە, ەندى ءبىرى ۇيدە) 14 ساعاتتىق جۇمىس كەستەسىمەن دەمالىس كۇندەرى دە ەڭبەك ەتىپ, حالىققا ونلاين رەجيمدە قىزمەت كورسەتۋدە.   بۇلار  - ازاماتتارعا ارنالعان ۇكىمەتتىڭ الماتى فيليالىنىڭ 400-دەن استام قىزمەتكەرلەرى.

1414 بايلانىس ورتالىعىنا قوسىلعان وپەراتورلارىمىز 10 مىڭنان استام ادامعا كەڭەس بەردى. ۆيدەو قوڭىراۋدى قابىلداۋدا وتىرعان وپەراتورلارىمىز 3,4 مىڭ ازاماتتى Mgov Mobile قوسىمشاسىنا تىركەسە, بەك-وفيستەردەگى الەۋمەتتىك بلوكتا ىستەيتىن قىزمەتكەرلەرىمىز الەۋمەتتىك تولەمدەر بويىنشا 40 مىڭعا جۋىق ءوتىنىشتى وڭدەدى.

بۇگىندە 608 مەملەكەتتىك قىزمەتتى ەلەكتروندىق ۇكىمەت پورتالى ارقىلى الۋعا بولادى, ونىڭ ىشىندە مامانداندىرىلعان بولىمدەردىڭ قىزمەتتەرى دە بار. سمارتفون ارقىلى 60 قىزمەت ءتۇرىن الۋعا مۇمكىندىك بار. وسىلايشا, «ازاماتتارعا ارنالعان ۇكىمەت» مك كەاق حالىقتىڭ ەلەكتروندىق ۇكىمەت پورتالىن بەلسەندى پايدالانىپ, سىرتقا شىقپاي-اق, بار جۇمىسىن ۇيدە ءبىتىرىپ, مەملەكەتتىك قىزمەتتەردى ونلاين الۋىنا جاعدايلار جاساۋدا. قىزمەتتەردى ونلاين الا وتىرىپ اركىم ءوزىن جانە جاقىندارىن قورعاپ, ورتاق قاۋىپسىزدىككە ءوز ۇلەسىن قوساتىنىن بىلگەن ءجون.

الماتى