«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ قىزمەتكەرلەرى وسىناۋ قيىن ساتتە مەملەكەتتىك قىزمەتتەردى ونلاين ۇسىنىپ, 1414 كولل-ورتالىق ارقىلى كەڭەس بەرىپ وتىر. الماتىدا 150 كولل-ورتالىق وپەراتورى جۇمىس ىستەۋدە.
قازىرگى ۋاقىتتا ازاماتتارعا ارنالعان ۇكىمەتتىڭ 2.5 مىڭنان استام فرونت-كەڭسەنىڭ قىزمەتكەرلەرى 1414 ءنومىرى ارقىلى كەڭەس بەرۋگە بەيىمدەلگەن. ونىڭ ىشىندە الماتى قالاسىنىڭ 17 فرونت ءوفيسىنىڭ 150-دەن اسا قىزمەتكەرلەرى ازاماتتارعا قاشىقتىقتان كەڭەس بەرۋگە جۇمىلدىرىلىپ, ۇيدە وتىرىپ قىزمەت كورسەتۋدە. تالاپ بويىنشا جۇمىس ەرتەڭگى ساعات 9-دان باستاپ كەشكى 18.30-عا دەيىن جالعاcادى.
بۇگىنگى كۇنى مەملەكەتتىك قىزمەتتىڭ 80%-دان استامىن ەلەكتروندىق ۇكىمەت پورتالى ارقىلى ونلاين الۋعا بولادى. دەگەنمەن, كەز كەلگەن ادام سايتتا ءوز بەتىنشە جۇمىس ىستەي بىلمەيدى ءارى قوسىمشالاردى تۇسىنە بەرمەيدى. سوندىقتان كەڭەسشىنىڭ جۇمىسى وتە ماڭىزدى.
ازاماتتارعا ارنالعان ۇكىمەتتىڭ الاتاۋ فرونت-ءوفيسىنىڭ مامانى باۋىرجان بەكپاەۆ حقكو-دا10 جىلدان بەرى جۇمىس ىستەيدى. جارى شىنار مولداحانوۆا دا سەگىزىنشى جىلدان بەرگى ارالىقتا المالى اۋداندىق حقكو-دا جۇمىس ىستەپ كەلەدى. باۋىرجان پەن شىنار ازاماتتارعا ونلاين-كەڭەس بەرەدى. شىناردىڭ جۇمىسى 9-دان 16-عا دەيىن بولسا, باۋىرجاننىڭ جۇمىسى 13-تەن 20-عا دەيىن. بوس ۋاقىتتارىندا بالالارىنا كەزەكپەن كوڭىل بولەدى.
جۇمىس تىنىمسىز. ورتالىققا قاتىسسىز سۇراقتار دا كوپ قويىلادى. كولل-ورتالىقتىڭ وپەراتورى بولۋ وتە قيىن. بەلگىلى ءبىر اقپاراتتى بەرۋمەن قاتار, قوڭىراۋ شالۋشىلاردىڭ نارازىلىعىن دا تىڭداۋعا تۋرا كەلىپ جاتادى.
«وكىنىشكە وراي, كوپ جاعدايدا ادامدار اشۋلانىپ, بارلىق جاعىمسىز سوزدەرمەن بالاعاتتايدى. كەيدە ءبىز ءوز سالامىزدىڭ سۇراقتارىمەن قاتار, قوڭىراۋ شالىپ سۇراپ جاتقان سوڭ, ولاردىڭ كوڭىلىنەن شىعۋ ءۇشىن وزىمىزگە قاتىسى جوق سۇراقتارعا دا جاۋاپ بەرۋىمىزگە تۋرا كەلەدى. ادامدى اشۋلاندىراتىن بالاعات سوزدەردى ەستىپ, ءوز-ءوزىمىزدى ارەڭ ۇستايتىن كەزدەر بولادى. سەبەبى, بىزدە نۇسقاۋلىق بار: قوڭىراۋ شالۋشىعا ءجايلاپ ەسكەرتەمىز, جاۋاپ رەتىندە داۋىستى كوتەرمەيمىز. بۇل وتە قيىن, بىراق ارانداتۋشىلىققا بەرىلمەۋگە تىرىسامىز. قازىرگى جاعداي بارىنە دە اۋىر ەكەنىن تۇسىنەمىز.تىنىشتىقتى ساقتاۋ وتە ماڭىزدى», – دەيدى ونلاين-وپەراتور, №5 مامانداندىرىلعان حقكو مامانى راۋان ديحانباي.
«ونلاين وپەراتورلار كۇنىنە قانشا قوڭىراۋ قابىلدايدى؟» دەگەن سۇراققا وراي جاۋاپ بەرگەن عىمىزعا بوستاندىق اۋداندىق فرونت-ءوفيسىنىڭ مامانى, كولل-ورتالىق وپەراتورى الماگۇل قابىلتاەۆانىڭ بەس جىلدىق جۇمىس تاجىريبەسى بار. تۇسكى ءۇزىلىس كەزىندە وتباسى مۇشەلەرىنە تاماق دايىنداپ, بىرگە وتىرىپ تۇسكى اس ءىشىپ, جۇمىسىنا قايتا جۇمىسىنا كىرىسەدى. ء«بىر مينۋت ىشىندە 3-4 قوڭىراۋ تۇسەدى. كۇنىنە 200-250 قوڭىراۋعا جاۋاپ بەرەمىن. بارلىق قوڭىراۋعا جاۋاپ بەرۋگە تىرىسامىن دەپ, كەيدە تاماق تۋرالى ۇمىتىپ كەتەتىن جايتتار بولادى. وسىنداي قيىن كەزەڭدە حالىققا پايدامدى تيگىزۋگە تىرىسامىن. ولار دا ەرىككەننەن قوڭىراۋ شالمايدى. ءوز بىلگەندەرىمىزدى ءبولىسىپ, العىس العانعا نە جەتسىن» دەيدى ا.قابىلتاەۆا.
الماتى قالاسى الاتاۋ اۋدانى حقو-سىنىڭ قىزمەتكەرى قۇرالاي ءومىروۆا ازاماتتاردان كۇن سايىن 300-گە جۋىق قوڭىراۋ قابىلدايتىنىن ايتادى. «اراسىندا ۇيدە وتىرعان ەكى بالاما دا كوڭىل بولەمىن. ءبارى ۋاقىتشا قيىندىقتار. قازاقستان حالقى بۇل قيىندىقتى دا ەڭسەرەتىنىنە سەنەمىن. ەڭ باستىسى – بىرلىگىمىز جوعالماسىن, - دەيدى ول.
مامانداردىڭ ايتۋىنشا, كولل-ورتالىققا قوڭىراۋ شالعان تۇرعىندار تۋ تۋرالى كۋالىك الۋ, بالا تۋىنا بايلانىستى جاردەماقىلار, ماب جازۋ, اۆتوكولىككە قاتىستى قۇجاتتاردى ۇيگە جەتكىزۋ قىزمەتى, ونلاين ەتسق الۋ, جەكە كۋالىك الۋ, ۋاقىتشا جانە تۇراقتى تىركەۋ, ەمحاناعا بەكىتۋ تۋرالى, اۆتوكولىك قۇرالدارىن ەسەپتەن شىعارۋ جانە قويۋ, اۆتوكولىككە تىيىم سالۋدى تەكسەرۋ, جۇرگىزۋشى كۋالىگىن قالاي الۋ جانە اۋىستىرۋ تۋرالى, سونداي-اق, ازاماتتىڭ قايتىس بولعاندىعى تۋرالى كۋالىكتى قالاي الۋ كەرەك, جەرلەۋگە ارنالعان قۇجاتتاردى, تەحنيكالىق پاسپورت, جەر ۋچاسكەسىنىڭ مەملەكەتتىك اكتىسى, جك قالاي اشۋعا بولادى جانە ت.ب. سۇراقتاردىڭ جاۋابىن ىزدەپ جاتادى.
الماتى