بۇل تۋرالى ماڭعىستاۋ وبلىسىنىڭ قوعامدىق كوممۋنيكاتسيا ورتالىعى حابارلادى.
ماڭعىستاۋ اۋدانى شەتپە اۋىلىنداعى اۋداندىق اۋرۋحانادا كوروناۆيرۋس ينفەكتسياسىن جۇقتىرعان ەكى ادام تىركەلدى. ەكى ناۋقاس تا 40 جاستاعى ايەل. ولار جاڭاوزەن قالاسىندا 8 ءساۋىر كۇنى ۆيرۋس انىقتالعان 1974 جىلعى ايەلمەن بايلانىستا بولعان. وسىعان وراي كارانتينگە الىنىپ, قانى مەن اۋىز قۋىسىنان الىنعان سىناماعا زەرتحانالىق ساراپتاما جاسالىنعان بولاتىن. دياگنوستيكالىق زەردەلەۋ ناتيجەسىندە ەكەۋىنەن دە COVID-19 انىقتالدى. بەكىتىلگەن پروتوكول بويىنشا ەم شارالارى جاسالىپ جاتىر. ناۋقاستارمەن بايلانىستا بولعان ازاماتتار انىقتالىپ, دارىگەرلەردىڭ باقىلاۋعا الىندى. ىندەت اۋماعى زالالسىزداندىرىلىپ جاتىر.
10.04.2020 جىلعى اقپارات بويىنشا وبلىستا 9 ادامنان COVID-19 انىقتالدى. اقتاۋدا -5, جاڭاوزەندە -2, ماڭعىستاۋ اۋدانىندا -2, دەلىنگەن ورتالىق تاراتقان حابارلامادا.
ماڭعىستاۋ وبلىسى