نۇر-سۇلتان قالاسى كوشەلەرىندە قىستان كەيىنگى جارىقتاندىرۋ جۇمىستارى جۇرگىزىلۋدە. بۇل تۋرالى ەلوردا اكىمدىگىنىڭ رەسمي سايتى حابارلادى.
ەلوردادا جارىق قۇرىلىمدارىن تازالاۋ, سىرلاۋ, جارىقتاندىرۋ, جوندەۋ جۇمىستارى جالعاسادى.
«قىسقى ماۋسىمنان كەيىن قابانباي باتىر, اقمەشىت كوشەلەرى بويىنشا كابەل جەلىلەرى جوندەلىپ, جارىقتاندىرۋ باعاندارى اۋىستىرىلدى. بۇگىندە تۇران داڭعىلىنا سىرتقى جارىقتاندىرۋ جۇمىستارىن جۇرگىزىپ جاتىرمىز. بۇل ۋچاسكەدە 10-نان استام باعان ورناتىلدى», - دەدى «استانا قالالىق جارىق» جشس-ءنىڭ ۋچاسكەلىك شەبەرى ماديار ءجۇنىسوۆ.
جالپى ەسىل اۋدانىندا 30-عا جۋىق زاقىمدالعان باعاندى اۋىستىرۋدى جوسپارلانعان.
«استانا قالالىق جارىقتا» 2014 جىلدان بەرى ەلەكترومونتەر بولىپ جۇمىس ىستەيمىن. جارىقتاندىرۋ باعاندارىن جوندەۋ جانە اۋىستىرۋ جۇمىستارىن جۇرگىزەمىن. بۇگىن 4 باعان ورناتتىق. جۇمىس كۇنىنىڭ سوڭىنا دەيىن تاعى ءتورت باعان ورناتپاقپىز. جۇمىسىم وزىمە ۇنايدى», - دەدى كوممۋنالدىق قىزمەتكەر دانيار ەسجانوۆ. ايتا كەتسەك, ەلورداداعى سىرتقى جارىقتاندىرۋ جەلىلەرىنىڭ ۇزىندىعى 1500 كيلومەتردى قۇرايدى.