اقپارات جانە قوعامدىق دامۋ ءمينيسترى داۋرەن اباەۆ ەلباسى نۇرسۇلتان نازارباەۆتىڭ دەنساۋلىعىنا قاتىستى جەلىدە تاراعان قاۋەسەت تۋرالى پىكىر ءبىلدىردى. بۇل تۋرالى داۋرەن اباەۆ «حابار» تەلەارناسىناعى «اشىق ديالوگ» باعدارلاماسىندا ايتتى.
«10 جىل بۇرىن مەن ەلباسىنىڭ ءباسپاسوز حاتشىسى قىزمەتىنە ورنالاستىم. ەلدەگى ينتەرنەت سايتتىڭ بىرىندە ەلباسىنىڭ اۋىر سىرقاتى جايىندا پوست جاريالاندى. جاعامدى ۇستادىم. سەبەبى, سول كۇنى مەن ەلباسىنىڭ توراعالىعىمەن وتكەن جينالىسقا قاتىستىم. كەشكە تامان شىداي الماي بۇل تۋرالى نۇرسۇلتان ءابىش ۇلىنا ايتتىم» دەدى مينيستر.
داۋرەن اباەۆ تۇڭعىش پرەزيدەنتتىڭ بۇل جايىنداعى ءتامسىلىن كەلتىردى.
«مەنىڭ قاسىمدا قىزمەتىڭدى ەندى باستاپ جاتىرسىڭ عوي. ءبىر دۇنيە ەسىڭدە بولسىن. بالاقتىڭ شاڭىن قاعا بەرسەڭ, باراتىن جەرگە ۋاقىتىندا جەتە المايسىڭ. ونداي اڭگىمەنى تىلەۋلەس جۇرت ۋايىمداپ ايتسا, مىسىقتىلەۋ ادامدار ادەيى ايتادى. ونىڭ ءبارىن تىڭداي بەرسەڭ, جۇمىستى كىم ىستەيدى؟ سوندىقتان مۇنداي سوزگە كوڭىل بولە بەرمە!" دەدى ول ماعان» دەپ ەسىنە الدى اباەۆ ەلباسىنىڭ ءسوزىن.